ಇದು ಭಾಗ್ಯ ಇದು ಭಾಗ್ಯ ಇದು ಭಾಗ್ಯವಯ್ಯಾ SONG LYRICS | IDU BHAGYA IDU BHAGYA SONG LYRICS | PURANDARA DASA

 

ಹಾಡಲು ಕಲಿಯಿರಿ(CLICK HERE TO LEARN THIS SONG)

ಇದು ಭಾಗ್ಯ ಇದು ಭಾಗ್ಯ ಇದು ಭಾಗ್ಯವಯ್ಯಾ

 ಪದುಮನಾಭನ ಪಾದ ಭಜನೆ ಸುಖವಯ್ಯಾ ॥ಪ॥

 ಕಲ್ಲಾಗಿ ಇರಬೇಕು ಕಠಿಣ ಭವ ತೊರೆಯೊಳಗೆ

 ಬಿಲ್ಲಾಗಿ ಇರಬೇಕು ಬಲ್ಲವರೊಳಗೆ॥

ಮೆಲ್ಲನೇ ಮಾಧವನ ಮನವ ಮೆಚ್ಚಿಸಬೇಕು

 ಬೆಲ್ಲವಾಗಿರಬೇಕು ಬಂಧು ಜನರೊಳಗೆ॥

 

 ಬುದ್ಧಿಯಲಿ ತನುಮನವ ತಿದ್ದಿಕೊಳ್ಳಲುಬೇಕು

 ಮುದ್ದಾಗಿ ಇರಬೇಕು ಮುನಿಯೋಗಿಗಳಿಗೆ॥

 ಮಧ್ವ ಮತ ಅಬ್ಧಿಯಲಿ ಮೀನಾಗಿರಲುಬೇಕು

 ಶುದ್ಧನಾಗಿರಬೇಕು ಕರಣತ್ರಯಗಳಲೀ॥

 

ವಿಷಯಭೋಗದ ತೃಣಕೆ ಉರಿಯಾಗಿರಲುಬೇಕು

 ನಿಶಿಹಗಲು ಶ್ರೀಹರಿಯ ನೆನೆಯಬೇಕು॥

 ವಸುಧೀಶ ಪುರಂದರ ವಿಠಲ ರಾಯನ

 ಹಸನಾದ ದಾಸರನು ಸೇವಿಸಲುಬೇಕು॥

---------------------------------------------------------------------------------------------

ಆಡೋಣ ಬನ್ನಿ ಕಣ್ಣ ಮುಚ್ಚಾಲೆ |ADONA BANNI KANNA MUCHALE | ಕನ್ನಡ ಭಾವಗೀತೆ | Lyrics

ಹಾಡಲು ಕಲಿಯಿರಿ(CLICK HERE TO LEARN THIS SONG) 

ಆಡೋಣ ಬನ್ನಿ ಕಣ್ಣ ಮುಚ್ಚಾಲೆ ,

ತೂಗೋಣ ಬನ್ನಿ ಉಯ್ಯಾಲೆ

ಜೀವನ  ಒಂದು ನಾಟಕ ಶಾಲೆ,

ನಾವೆಲ್ಲ ಕುಣಿಯುವ ನರ್ತನ ಶಾಲೆ

ಉಯ್ಯಾಲೆ ಓ ಓ ಓ ಚಂಪಾಲೆ, ಉಯ್ಯಾಲೆ ಚಂಪಾಲೆ ||

 

 

ಸುತ್ತಾಲು ಚೆಲ್ಲಿದ ರಂಗುರಂಗೋಲೆ,

ಬಳುಕುತ ಬರುವಳು ವನಮಾಲೆ

ಭರದಿಂದ ಬಂದು ಪಚ್ಚೆಯ ಸಾಲೆ,

ತೂಗಾಡಿ ಕರೆದಾವು ತೆಂಗಿನ ಸಾಲೆ

ಉಯ್ಯಾಲೆ ಓ ಓ ಓ  ಚಂಪಾಲೆ, ಉಯ್ಯಾಲೆ ಚಂಪಾಲೆ ||

 

ಹಕ್ಕಿಗಳಿಂಚರ ಕರೆಯೋಲೆ,

ಕುಣಿಯುತ ಬರುವಳು ನವ್ವಾಲೆ

ಇಂಪು ಇಂಪಿನ ಗುಂಪು ಕೋಗಿಲೆ,

ಕಂಪನು ಸೂಸುವ ಹೂಗಳ ಮಾಲೆ

ಉಯ್ಯಾಲೆ ಓ ಓ ಓ  ಚಂಪಾಲೆ, ಉಯ್ಯಾಲೆ ಚಂಪಾಲೆ ||

----------------------------------------------------------------------------------------

 

ನಿನ್ನೆಡೆಗೆ ಬರುವಾಗ ಸಿಂಗರದ ಹೊರೆಯೇಕೆ? ninnedege baruvaaga | Kuvempu | Kannada bhavagethe lyrics

ಹಾಡಲು ಕಲಿಯಿರಿ(CLICK HERE TO LEARN THIS SONG) 

ನಿನ್ನೆಡೆಗೆ ಬರುವಾಗ ಸಿಂಗರದ ಹೊರೆಯೇಕೆ? 

ಸಡಗರದ ಮಾತುಗಳ ಬಿಂಕವೇಕೆ?

ನಿನ್ನ ಮುಂದಿರುವಾಗ ಮಂತ್ರಗಳ ಮರೆಯೇಕೆ? 

ಸಂಪ್ರದಾಯದ ಮರುಳು ಲಜ್ಜೆಯೇಕೆ?

 

ನೇವುರದ ಗೆಜ್ಜೆಗಳ ಕಿಂಕಿಣಿಯ ದನಿ ನಿನ್ನ

 ಸವಿಗೊರಳಿನಿಂಚರವ ಕೆಡಿಸದಿರಲಿ

ಸಿಂಗರದ ಜವನಿಕೆಯು ದೊರೆ ನಿನ್ನ ಸಿರಿಮೆಯ

ಸೌಂದರ್ಯವನು ಮಬ್ಬುಗೊಳಿಸದಿರಲಿ ||1||

 

ನಗ್ನತೆಗೆ ನಾಚದೆಲೆ ಸಿರಿತಳಿರ ತೆಕ್ಕೆಯಿಂ 

ಮೂಡಿಸುಗ್ಗಿಯನೊಲಿವ ಹೂವಿನಂತೆ

ಸಿಂಗರದ ಹೊರೆಯುಳಿದು ಮಂತ್ರಗಳ ಮರೆಯುಳಿದು 

ಪ್ರೇಮದಾರತಿ ಹಿಡಿದು ತೇಲಿ ಬರುವೆ ||2||

 ---------------------------------------------------------------------------------

ಬಾ ಸವಿತಾ.... ಬಾ ಸವಿತಾ... ರಚನೆ : ಮಾಸ್ತಿ ವೆಂಕಟೇಶ ಅಯ್ಯಂಗಾರ್ |Lyrics in Kannada Baa Savitha song

ಹಾಡಲು ಕಲಿಯಿರಿ(CLICK HERE TO LEARN THIS SONG)

 

ಬಾ ಸವಿತಾ.... ಬಾ ಸವಿತಾ...

ಒಳಗಿನ ಕಣ್ಣನು ಮುಚ್ಚಿಸಿ ಒಮ್ಮೆ ,

ತಿಳಿವಿಗೆ ಬಣ್ಣವ ಹಚ್ಚಿಸಿ ಒಮ್ಮೆ

ಒಳಿತಲ್ಲದುದೇ ಒಳಿತೆಂಬುದರ ಚಳಕವೆಲ್ಲಕೆ

ವಿನಾಶವ ತಾ.... ||

ನೆಲೆಯಿಂದ ಹೊರಟು ಅಲೆ ಅಲೆ.. ಅಲೆ ಅಲೆ..

ಛಲತೊಟ್ಟ ಮಲ್ಲ ವಾಹಿನಿ ಬಾ..

ನಿಲವಿಲ್ಲ ಜಗದಿ ಕತ್ತಲಿಗೆಂದು

ಗೆಲವನು ಸಾರುವ ಭಾಸವ ತಾ....  

                                                            

ಓಂ ತತ್ಸವಿತುರ್ವರೇಣ್ಯವೆ೦ಬೆವು

ಅಂತಲ್ಲದೆ ಬೇರೆಯದನು ನಂಬೆವು

ಪಂಥವ ಬೆಳಗಿಸಿ, ನಿರೂಪಿಸಿ ಕಾಂಬೆವು

ಶಾಂತ ಸುಂದರ ಶಿವದಾ ಸವಿತಾ...  ||

SANSKRIT WORKSHEET: क्रीडाम वयं श्लोकान्त्याक्षरीम् | NCERT CLASS 7 DEEPAKAM

 

ಕನ್ನಡ ವ್ಯಾಕರಣ : ದ್ವಿರುಕ್ತಿಗಳು | Dviruki in Kannada grammar |#kannadagrammar

    Click here for the explanation

worksheet on "न लभ्यते चेत् आम्लम् द्रक्षाफलम्" NCERT CLASS7 DEEPAKAM

 CLICK HERE FOR EXPLANATION OF THE WORKSHEET