ಹಾಡಲು ಕಲಿಯಿರಿ(CLICK HERE TO LEARN THIS SONG)
ರಚನೆ: ಎನ್ ಎಸ್ ಲಕ್ಷ್ಮೀನಾರಾಯಣ ಭಟ್ಟ್
ತೂಗಿ ತೂಗಿ ಮರಗಳೇ ಇಳೆಗೆ ಇಳಿದೆ ವರಗಳೇ
ನೆಲದ ಮಧುರ ಗಾನದಲ್ಲಿ ಮೂಡಿ ಬಂದ ಸ್ವರಗಳೇ ॥
ಆ ಆ ಆ ಆ ಆ .. ಆ ಆ ಆ ಆ.. ಆ ಆ ಆ ಆ ಆ .. ಆ
ಆ ಆ ಆ
ಮಾತಾಡದೆ ದುಡಿಯುವ ಪ್ರೀತಿ ಪಡೆದ ಕರಗಳೇ
ಸೋತು ಬಂದ ಹಕ್ಕಿ ಹಿಂಡು ತೂಗಿಕೊಳುವ ನೆಲೆಗಳೇ
ಸಾಲು ಹಸಿರ ಮಾಲೆಯೇ ಜೀವ ರಸದ ನಾಲೆಯೇ
ಪ್ರೀತಿಯೆಂಬ ನೀತಿ ಹಾಡಿ ಪ್ರಕೃತಿ ಬರೆದ ಓಲೆಯೆ ॥೧॥
ಮಣ್ಣಿನ ತಮದಾಳವ ಸೀಳಿ ಮೇಲೆ ಬರುವಿರಿ
ಮೈಯ ತುಂಬ ಚಿಗುರಿನ ರೋಮಾಂಚನವ ತಳೆವಿರಿ
ಕೊಂಬೆ ಕೊಂಬೆ ಕೈಯ ಚಾಚಿ ಬನ್ನಿ ಎಂದು ಕರೆವಿರಿ
ಔದಾರ್ಯದ ಒಡಲಾಗಿ ಹೂವು ಹಣ್ಣು ಸುರಿವಿರಿ ॥೨॥
ಹಾಡಲು ಕಲಿಯಿರಿ(CLICK HERE TO LEARN THIS SONG)
ರಚನೆ: ಕುವೆಂಪು
ಮುಚ್ಚುಮರೆಯಿಲ್ಲದೆಯೆ ನಿನ್ನ ಮುಂದೆಲ್ಲವನು
ಬಿಚ್ಚಿಡುವೆ ಹೇ ಗುರುವೆ ಅಂತರಾತ್ಮ ।
ಪಾಪವಿದೆ ಪುಣ್ಯವಿದೆ ನರಕವಿದೆ ನಾಕವಿದೆ
ಸ್ವೀಕರಿಸು ಓ ಗುರುವೆ ಅಂತರಾತ್ಮ ॥
ರವಿಗೆ ಕಾಂತಿಯನೀವ ನಿನ್ನ ಕಣ್ಣೀಕ್ಷಿಸಲು
ಪಾಪ ತಾನುಳಿಯುವುದೆ ಪಾಪವಾಗಿ
ಗಂಗೆ ತಾನುದ್ಭವಿಪ ನಿನ್ನಡಿಯ ಸೋಂಕಿಗೆ
ನರಕ ತಾನುಳಿಯುವುದೆ ನರಕವಾಗಿ ॥೧॥
ಶಾಂತ ರೀತಿಯಲೊಮ್ಮೆ ಕದಡಿರುವುದೆನ್ನಾತ್ಮ
ನಾಂತ ರೀತಿಯು ಅದೆಂತೋ ಓ ಅನಂತ ।
ನನ್ನ ನೀತಿಯ ಕುರುಡಿನಿಂದೆನ್ನ ರಕ್ಷಿಸೈ
ನಿನ್ನ ನೀತಿಯ ಬೆಳಕಿನಾನಂದಕೈ ॥೨॥
----------------------------------------------------------------------------
ಹಾಡಲು ಕಲಿಯಿರಿ(CLICK HERE TO LEARN THIS SONG)
ರಚನೆ: ಕೆ ಎಸ್ ನರಸಿಂಹಸ್ವಾಮಿ
ದೇವ ನಿನ್ನ ಮಾಯೆಗಂಜಿ ನಡುಗಿ ಬಾಳೆನು
ನಿನ್ನ ಇಚ್ಛೆಯಂತೆ ನಡೆವೆ ನಡ್ದಿ ಮಾಡೆನು ॥
ಮುಕ್ತಿ ಮುಕ್ತಿ ನನ್ನ ನಾನು ತಿಳಿದುಕೊಳ್ವುದೋ
ಸಾವಿಗಂಜಿ ನಿನ್ನಡಿಯಲಿ ಅಡಗಿಕೊಳ್ವುದೋ ।
ಶಕಿಯಿತ್ತೆ ಮುಕ್ತಿಯನ್ನು ಗಳಿಸಿಕೊಳ್ಳಲು
ನೀರನೆರೆದೆ ಬಳ್ಳಿಯನ್ನು ಬೆಳೆಸಿಕೊಳ್ಳಲು ॥೧॥
ಜ್ಞಾನ ರವಿಯನಿತ್ತೆ ಎದೆಯ ನೋಡಿಕೊಳ್ಳಲು
ಗೀತೆಯನ್ನು ಕೊಟ್ಟೆ ಕೊಳಲನೂದಿಕೊಳ್ಳಲು ।
ಎಲ್ಲವನ್ನು ಕೊಟ್ಟಿರುವೆ ಏನ ಬೇಡಲಿ
ಜಗವನೆನಗೆ ಬಿಟ್ಟಿರುವೆ ಏಕೆ ಕಾಡಲಿ ॥೨॥
ಹಾಡಲು ಕಲಿಯಿರಿ(CLICK HERE TO LEARN THIS SONG)
ರಚನೆ: ಕೆ ಎಸ್ ನರಸಿಂಹಸ್ವಾಮಿ
ಹಾಡಲು ಕಲಿಯಿರಿ(CLICK HERE TO LEARN THIS SONG)
ರಚನೆ : ರವಿ ಶಿವರಾಯಗೊಳ
ಒಲವ ಮಳೆಯ ಆಸೆಯಲ್ಲಿ ಬದುಕಬೇಕು ನಾಳೆ
ನೂರು ಕನಸು ಹೊತ್ತ ಮನಸು ತುಡಿಯುತಿರಲಿ ನನಸಿಗೆ
ಆಸೆ ಮರೆತು ಸೋತ ಬದುಕು ತೊರೆಯದಿರಲಿ ನಂಬಿಗೆ
ನಿತ್ಯ ಜ್ಯೋತಿ ಬೆಳಗುತಿರಲಿ ಆತ್ಮ ಶುದ್ದ ಬಾಳಿಗೆ
ನಡುಗದಿರಲಿ ನಂದದಿರಲಿ ಸೋಲು ಎಂಬ ಗಾಳಿಗೆ ||1||
ದೂರ ತೀರ ಪಯಣವಿದು ದಣಿಯದಿರಲಿ ಕಾಲು
ಸೋಲು ಗೆಲುವು ಸಹಜವಿಲ್ಲಿ ಸ್ವೀಕರಿಸು ಪಾಲು
ಮೂರು ದಿನದ ಸಂತೆಯೊಳಗೆ ಜಾರದಿರಲಿ ಹೃದಯ
ಜಾತ್ರೆ ಮುಗಿದ ಬಯಲಿನೊಳಗೆ ಏಕಾಂತವೆ ಗೆಳೆಯಾ ||2||
ಹಾಡಲು ಕಲಿಯಿರಿ(CLICK HERE TO LEARN THIS SONG)
ರಚನೆ :ಚನ್ನವೀರಕಣವಿ
ಒಂದು ಮುಂಜಾವಿನಲಿ ತುಂತುರಿನ ಸೋನೆ ಮಳೆ
ಸೋ ಎಂದು ಶ್ರುತಿ ಹಿಡಿದು ಸುರಿಯುತಿತ್ತು
ಅದಕೆ ಹಿಮ್ಮೇಳವನೆ ಸೂಸಿಪಹ ಸುಳಿ ಗಾಳಿ
ತೆಂಗು ಗರಿಗಳ ನಡುವೆ ನುಸುಳುತಿತ್ತು ||
ಎಳೆವೆಣ್ಣು ಮೈದೊಳೆದು ಮಕರಂದ ಅರಿಶಿನದಿ
ಹೂ ಮುಡಿದು ಮಧು ಮಗಳ ಹೋಲುತಿತ್ತು
ಮೂಡಣದಿ ನೇಸರನ ನಗೆಮೊಗದ ಶ್ರೀ ಕಾಂತಿ
ಬಿಳಿಯ ಮೋಡದ ಹಿಂದೆ ಹೊಳೆಯುತ್ತಿತ್ತು||1||
ಹುಲ್ಲೆಸಳು ಹೂಪಕಳೆ ಮುತ್ತು ಹನಿಗಳ
ಮಿಂಚು
ಸೊಡರಿನಲಿ ಆರತಿಯ ಬೆಳಗುತಿತ್ತು
ಕೊರಲುಕ್ಕಿ ಹಾಡುತಿಹ ಚಿಕ್ಕ ಪಕ್ಕಿಯ
ಬಳಗ
ಶುಭಮಸ್ತು ಶುಭಮಸ್ತು ಎನ್ನುತಿತ್ತು||2||
ತಳಿರ ತೋರಣದಲ್ಲಿ ಬಳ್ಳಿ ಮಾಡಗಳಲ್ಲಿ
ದುಂಬಿಗಳ ಓಂಕಾರ ಹೊಮ್ಮುತಿತ್ತು
ಹಚ್ಚ ಹಸುರಿನ ಪಚ್ಚೆ ನೆಲಗಟ್ಟಿನಂದಳದಿ
ಚಿಟ್ಟೆ ವೆಂಗಣ ಕುಣಿತ ಹಾಕುತಿತ್ತು||3||
ಉಷೆಯ ನುಂಗದಿಬೆದಲಿ ಹರ್ಷ
ಪಾರ್ಶ್ವಗಳಂತೆ
ಮರದ ಹನಿ ತಟ ಪಟನೆ ಉದು ರುತಿತ್ತು
ಸೃಷ್ಟಿ ಲೀಲೆಯಲೆಂತು ತಲ್ಲೀನವಾದ ಮನ
ಹೊಸಬಾಳ ಸವಿಗನಸು ನೆನೆಯುತಿತ್ತು||4||
ಹಾಡಲು ಕಲಿಯಿರಿ(CLICK HERE TO LEARN THIS SONG)
ರಚನೆ: ಬಾಗೂರು ಮಾರ್ಕಾಂಡೇಯ
ನೀಲ ನಭಕೆ ನೂಲ ಏಣಿ ಕಣ್ಣಂಚಲಿ ಬಿಗಿದೆಯಾ
ನೀಲ ಮೇಘ ಶಾಮನನ್ನು ಮಧುಮಂಚಕೆ ಕರೆದೆಯಾ ||
ಬರುವನೆಂಬ ಯಾವ ಸುಳಿವು ತೇಲಿಸಿದೆ ರಾಧೆಯ
ಕಂಪೊಡಲಿನ ಮಧುರ ಮಾತು ತಂದಿತೇನೋ ಸುದ್ಧಿಯಾ||1||
ಚೈತ್ರನೊಲುಮೆ ಸ್ವರದ ಸಾಲು ಕುಹೂ ಕುಹೂ ಎಂದಿದೆ
ಎತ್ತ ನೋಡಲು ಸೊಬಗಿನೊಡಲು ಚಿತ್ರವಾಗಿ ಮೂಡಿದೆ ||2||
ಕಾಣುವೆದೆಗೆ ಮುದವ ಸುರಿದು ಪ್ರಣಯ ಗೀತೆ ಸೃಜಿಸಿದೆ
ಸುತ್ತ ಭಾವ ಸೆರೆಯ ಬಿಗಿದು ಶಾಮನೆದೆಯಲಿ ಹುದುಗಿದೆ ||3||
ಹಾಡಲು ಕಲಿಯಿರಿ(CLICK HERE TO LEARN THIS SONG)
ರಚನೆ:ಷಡಕ್ಷರಿ ಸುಗ್ಗನಹಳ್ಳಿ
ರಾಗದಲೆಗೆ ಭಾವ ಬೆಸುಗೆ ಸೇರಬೇಕು
ಗೀತೆಗೆ
ನಾಭಿಯಿಂದ
ಹೊಮ್ಮಿ ಸ್ವರವು ಹಾಯ ಬೇಕು ಕೊರಳಿಗೆ…||
ಸಪ್ತಸಾಗರದಾಳದಲ್ಲಿದೆ ನಾದ ಬಿಂದುವಿನಾಲಯ
ಈಜಿ ತಲುಪುವರೆಷ್ಟು ಮಂದಿ ಪಡೆಯಲದರ ಸಿದ್ಧಿಯ ||1||
ಶೃಂಗ ಗಿರಿಗಳ ತುತ್ತತುದಿಯಲಿ ಎಲ್ಲೋ ಒಂದೆಡೆ ಲಯವಿದೆ
ತಲುಪಬಹುದು ಅಲ್ಲಿಗೊಮ್ಮೆ ನಿರತ ಇದ್ದರೆ ಸಾಧನೆ ||2||
ದೇಹಿ ಎನ್ನುವ
ಭಾವ ಬೇಕು ನಾದರಾಣಿಯ ಅಡಿಯೊಳು
ಎಂದೋ ಒಮ್ಮೆ ಕರುಣೆ ಬಂದು ಇನಿತೆ ಇನಿತು ಕೊಡುವಳು ||3||
.................................................................................
ಹಾಡಲು ಕಲಿಯಿರಿ(CLICK HERE TO LEARN THIS SONG)
ರಚನೆ :ಪು ತಿ ನರಸಿಂಹ ಆಚಾರ್
ಭಾಮಾ .......ರಮಣನ ದೀಪ.... ಮೆರೆಗೆ.... ದೀಪ ಲಕ್ಷ್ಮಿ
ಒಳ ಇರುಳ ತುಳಿತುಳಿದು ಒಳ ಇರುಳನು ತುಳಿತುಳಿದು
ಬೇರೆ ಬಗೆಯ ತೆರೆದು, ಮೆರೆಯುತಿಹ ದೀಪ ಮೆರೆಗೆ ದೀಪಲಕ್ಷ್ಮಿ ||
ಹರಿಭವ ತರುವೊಳಗರಳಿಸುವರಳು
ಇರವನು ರಸದೆಡೆ ಗೆಸೆಯುವ ಸರಳು
ಮೃತ್ಯು ವೊಳಮೃತದ ಸೆಲೆಹಿನ ...ಕುರುಹೋ.... ಏನೆ
ಮೆರೆಯುತಿಹ ದೀಪ, ಒಸಗೆ ....ದೀಪಲಕ್ಷ್ಮಿ ||
ಇಲ್ಲಮೆಯಿಂದಿರವಿಗೆನಡೆಸೆ ಎಂಬ
ಪುಲ್ಲಮೆ ಇಲ್ನಲ್ಮೆ ಗೇರಿಸು ಎಂಬ
ಬಲ್ಲವರೆರಕೆಯ ಸಲಿಸುವ ದೀಪ ಲಕ್ಷ್ಮಿ||
..........................................................................................................................
ಹಾಡಲು ಕಲಿಯಿರಿ(CLICK HERE TO LEARN THIS SONG)
ರಚನೆ: ಕೆ.ಎಸ್. ನರಸಿಂಹಸ್ವಾಮಿ
……………………………………………………………………...............
ಹಾಡಲು ಕಲಿಯಿರಿ(CLICK HERE TO LEARN THIS SONG)
ರಚನೆ: ದ. ರಾ. ಬೇಂದ್ರೆ
ಹಾಡಲು ಕಲಿಯಿರಿ(CLICK HERE TO LEARN THIS SONG)
……………………………………………………………………………..................
ರಚನೆ:
ಡಿ ವಿ ಗುಂಡಪ್ಪ (ಅಂತ:ಪುರ ಗೀತೆಗಳು)
ಏನೀ ಮಹಾನಂದವೇ ಓ
ಭಾಮಿನೀ
ಏನೀ ಸಂಭ್ರಮದಂದವೇ
ಬಲು ಚೆಂದವೇ।
ಏನೀವೃತಾಮೋದ ಎನೀ
ಮುರಜನಾದ
ಏನೀ ಜೀವೋನ್ಮಾದ ಏನೀ
ವಿನೋದ॥
ಢಕ್ಕೆಯ ಶಿರ ಕೆತ್ತಿ
ತಾಳಗೋಲಿಂ ತಟ್ಟಿ
ತಕ್ಕಿಟ ಧಿಮಿಕಿಟ
ತಕಝೆಣುರೆನ್ನಿಸಿ।
ಕುಕ್ಕುತೆ ಚರಣವ
ಕುಲುಕುತೆ ಕಾಯವ
ಸೊಕ್ಕಿದ ಕುಣಿತವ
ಕುಣಿವೆ ನೀನೆಲೆ ಬಾಲೆ॥1||
ಆರು ನಿನ್ನಯ
ಹೃದಗಾರದೆ ನರ್ತಿಸಿ
ಮಾರ ಶೂರತೆಯ
ಪ್ರಕಾಶಿಸುತಿರ್ಪನ್।
ಸ್ಮೇರ ವದನ ನಮ್ಮ
ಚೆನ್ನಕೇಶವರಾಯ
ಓರೆಗಣ್ಣಿಂ ಸನ್ನೆ
ತೋರುತಲಿಹನೇನೆ॥2||
..........................................................................................................
ಹಾಡಲು ಕಲಿಯಿರಿ(CLICK HERE TO LEARN THIS SONG)
ರಚನೆ: ಹೆಚ್ ಎಸ್ ವೆಂಕಟೇಶಮೂರ್ತಿ
..........................................
