ಇದು ಭಾಗ್ಯ ಇದು ಭಾಗ್ಯ ಇದು ಭಾಗ್ಯವಯ್ಯಾ SONG LYRICS | IDU BHAGYA IDU BHAGYA SONG LYRICS | PURANDARA DASA

 

ಹಾಡಲು ಕಲಿಯಿರಿ(CLICK HERE TO LEARN THIS SONG)

ಇದು ಭಾಗ್ಯ ಇದು ಭಾಗ್ಯ ಇದು ಭಾಗ್ಯವಯ್ಯಾ

 ಪದುಮನಾಭನ ಪಾದ ಭಜನೆ ಸುಖವಯ್ಯಾ ॥ಪ॥

 ಕಲ್ಲಾಗಿ ಇರಬೇಕು ಕಠಿಣ ಭವ ತೊರೆಯೊಳಗೆ

 ಬಿಲ್ಲಾಗಿ ಇರಬೇಕು ಬಲ್ಲವರೊಳಗೆ॥

ಮೆಲ್ಲನೇ ಮಾಧವನ ಮನವ ಮೆಚ್ಚಿಸಬೇಕು

 ಬೆಲ್ಲವಾಗಿರಬೇಕು ಬಂಧು ಜನರೊಳಗೆ॥

 

 ಬುದ್ಧಿಯಲಿ ತನುಮನವ ತಿದ್ದಿಕೊಳ್ಳಲುಬೇಕು

 ಮುದ್ದಾಗಿ ಇರಬೇಕು ಮುನಿಯೋಗಿಗಳಿಗೆ॥

 ಮಧ್ವ ಮತ ಅಬ್ಧಿಯಲಿ ಮೀನಾಗಿರಲುಬೇಕು

 ಶುದ್ಧನಾಗಿರಬೇಕು ಕರಣತ್ರಯಗಳಲೀ॥

 

ವಿಷಯಭೋಗದ ತೃಣಕೆ ಉರಿಯಾಗಿರಲುಬೇಕು

 ನಿಶಿಹಗಲು ಶ್ರೀಹರಿಯ ನೆನೆಯಬೇಕು॥

 ವಸುಧೀಶ ಪುರಂದರ ವಿಠಲ ರಾಯನ

 ಹಸನಾದ ದಾಸರನು ಸೇವಿಸಲುಬೇಕು॥

---------------------------------------------------------------------------------------------

ಮೆಲ್ಲ ಮೆಲ್ಲನೆ ಬಂದನೆ , ಗೋಪಮ್ಮ ಕೇಳೆ | mella mellane bandane song lyrics | purandara dasa |

ಹಾಡಲು ಕಲಿಯಿರಿ(CLICK HERE TO LEARN THIS SONG)

 

ಮೆಲ್ಲ ಮೆಲ್ಲನೆ ಬಂದನೆ , ಗೋಪಮ್ಮ ಕೇಳೆ

ಮೆಲ್ಲ ಮೆಲ್ಲನೆ ಬಂದನೆ ||ಪ||

ಮೆಲ್ಲ ಮೆಲ್ಲನೆ ಬಂದು ಗಲ್ಲಕ್ಕೆ ಮುತ್ತ ಕೊಟ್ಟು

ನಿಲ್ಲದೆ ಓಡಿ ಪೋದ ಕಳ್ಳಗೆ ಬುದ್ಧಿ ಪೇಳೆ ||ಅ.ಪ||

ಹಾಲು ಮಾರಲು ಪೋದರೆ, ನಿನ್ನಯ ಕಂದ, ಕಾಲಿಗಡ್ಡವ ಕಟ್ಟಿದ

ಹಾಲ ಸುಂಕವ ಬೇಡಿ ಕೋಲನ್ನೆ ಅಡ್ಡಕಟ್ಟಿ

ಶಾಲೆಯ ಸೆಳಕೊಂಡು ಹೇಳದೋಡಿದ ಕೃಷ್ಣ || 1||

ಮೊಸರ ಮಾರಲು ಪೋದರೆ, ನಿನ್ನಯ ಕಂದ ಪೆಸರೇನೆಂದೆಲೆ ಕೇಳಿದ

ಹಸನಾದ ಹೆರಳ ಮೇಲೆ ಕುಸುಮವ ತಂದಿಕ್ಕಿ

ಶಶಿಮುಖಿಯರಿಗೆಲ್ಲ ಬಸಿರು ಮಾಡಿದ ಕೃಷ್ಣ ||2||

ಪೋಗಿರೆ ರಂಗಯ್ಯನ, ಮೇಲೆ ನೀವು , ದೂರೇನು ಕೊಂಡು ಬಂದಿರೆ

ಸೃಷ್ಟೀಶ ಪುರಂದರ ವಿಠಲ ರಾಯನ

ತೂಗಿ ಪಾಡಿರೆ ಬೇಗ ನಾಗವೇಣಿಯರೆಲ್ಲ || 3||

 ----------------------------------------------------------------------------------------

ಪಂಢರಾಪುರವೆಂಬ ದೊಡ್ಡ ನಗರ LYRICS IN KANNADA |PANDARAPURAVAMBA DODDA NAGARA |PURANDARA DASA SONGS

 ಹಾಡಲು ಕಲಿಯಿರಿ(CLICK HERE TO LEARN THIS SONG)

ಪಂಢರಾಪುರವೆಂಬ ದೊಡ್ಡ ನಗರ ಅಲ್ಲಿ

ವಿಠೋಬನೆಂಬ ದೊಡ್ಡ ಸಾಹುಕಾರ || ಪ ||

ವಿಠೋಬನಿರುವದು ನದಿ ತೀರ

 ಅಲ್ಲಿ ಪಂಢರೀಭಜನೆ ವ್ಯಾಪಾರ ||ಅ.ಪ||

ತಂದೆ ನೀನೆ ತಾಯಿ ನೀನೆ ಪಾಂಡುರಂಗ

ನಮ್ಮ ಬಂಧು ನೀನೆ ಬಳಗ ನೀನೆ ಪಾಂಡುರಂಗ

ಭಕ್ತರ ಪೋಷಕ ಪಾಂಡುರಂಗ

ನಮ್ಮ ಮುಕ್ತಿದಾಯಕ ಪಾಂಡುರಂಗ ||೧||

ವಿಠೋಬನಿಗೆ ಪ್ರಿಯ ತುಳಸಿಹಾರ

ಅಲ್ಲಿ ಭಕ್ತ ಜನರ ವ್ಯಾಪಾರ

ವಿಠೋಬನಿಗೆ ಪ್ರಿಯ ಬುಕ್ಕಿಯ ಗಂಧ

ಅಲ್ಲಿ ಚಂದ್ರಭಾಗಾ ಸ್ನಾನ ಬಲು ಅಂದ ||೨||

ಶ್ರೀಹರಿ ವಿಠ್ಠಲ ಪಾಂಡುರಂಗ

ಜಯ ಹರಿ ವಿಠ್ಠಲ ಪಾಂಡುರಂಗ

ವಿಠ್ಠಲ ವಿಠ್ಠಲ ಪಾಂಡುರಂಗ

ನಮ್ಮ ಪುರಂದರ ವಿಠ್ಠಲ ಪಾಂಡುರಂಗ ||೩||

...................................................................................

ದುಗ್ಗಾಣಿ ಎಂಬುವುದು ದುರ್ಜನರ ಸಂಗ SONG LYRICS | PURANDARA DASA SONGS | DUGGANI EMBUVUDU DURJAN SANGA |

 

ದುಗ್ಗಾಣಿ ಎಂಬುವುದು ದುರ್ಜನರ ಸಂಗ

ದುಗ್ಗಾಣಿ ಬಲು ಕೆಟ್ಟದ್ದಣ್ಣಾ ॥

 

ಆಚಾರ ಹೇಳೋದು ದುಗ್ಗಾಣಿ ।ಬಹು।

ನೀಚರನೊಲಿಸೋದು ದುಗ್ಗಾಣಿ

ನಾಚಿಕೆಯಿಲ್ಲದೆ ಮನೆ ಮನೆ ತಿರುಗಿಸಿ

ಛೀ ಛೀ ಎನಿಸೋದು ದುಗ್ಗಾಣಿ ॥೧॥

 

ನೆಂಟತನ ಹೇಳೋದು ದುಗಾಣಿ । ಬಹು ।

ನೆಂಟರನೊಲಿಸೋದು ದುಗ್ಗಾಣಿ

ಒಂಟೆ ಹಾಂಗೆ ಮೋರೆ ಮೇಲಕ್ಕೆ ಸೆಳಕೊಂಡು

ಕುಂಟನೆನಿಸೋದು ದುಗ್ಗಾಣಿ ॥೨॥

 

ಮಾನವಾಗಿರಿಸೋದು ದುಗ್ಗಾಣಿ ।ಬಹು ।

ಮಾನ ಹದಗೆಡಿಸೋದು ದುಗ್ಗಾಣಿ

ಬಹುಮಾನ ನಿಧಿ ಶ್ರೀ ಪುರಂದರ ವಿಠಲನ

ಕಾಣಿಸದಿರುವುದು ದುಗ್ಗಾಣಿ ॥೩॥

------------------------------------------------------------------------------------

ರಾಮ ರಾಮ ರಾಮ ರಾಮ ರಾಮ ಎನ್ನಿರೋ | RAMA RAMA RAMA SEETHA RAMA ENNIRO SONG LYRICS IN KANNADA |LORD RAMA

 ಹಾಡಲು ಕಲಿಯಿರಿ(CLICK HERE TO LEARN THIS SONG)

ರಾಗ: ತಿಲಂಗ್

ರಾಮ ರಾಮ ರಾಮ ರಾಮ ರಾಮ ಎನ್ನಿರೋ |ಸೀತಾ|

ಅಮರಪತಿಯ ದಿವ್ಯ ನಾಮ ಅಂದಿಗೊದಗಿ ಬಾರದೊ

 

ಭರದಿ ಯಮನ ಭಟರು ಬಂದು ಹೊರಡಿರೆಂದು  ಮೆಟ್ಟಿ ಮುರಿಯೆ

ಕೊರಳಿಗಾತ್ಮ ಸೇರಿದಾಗ ಹರಿಯ ಧ್ಯಾನ ಬಾರದೋ ||

 

ಶ್ವಾಸೋಛ್ವಾಸವೆರಡು ಕಂಠ ವಾಸವಾಗಿ ಸಿಲುಕಿದಾಗ

ವಾಸುದೇವ ಕೃಷ್ಣನ ನಾಮ ಆ ಸಮಯಕೊದಗದೋ ||

 

ಶೃಂಗಾರದ ದೇಹವೆಲ್ಲ ಅಂಗಬಡಿದು ಮುರಿದು ಬಿದ್ದು

ಕಂಗಳಿಗಾತ್ಮ ಸೇರಿದಾಗ  ರಂಗನ ನಾಮ ಒದಗದೋ ||

 

ಕಲ್ಲು ಮರನಂತೆ ಜೀವ ನಿಲ್ಲದಂತೆ ಮರಣ ವ್ಯಾಳೆ

ಫುಲ್ಲನಾಭ ಕೃಷ್ಣನೆಂಬೊ ಸೊಲ್ಲು ಬಾಯಿಗೊದೋ||

 

ಶ್ರೇಷ್ಠ ಜನ್ಮದಲ್ಲಿ ಹುಟ್ಟಿ ದುಷ್ಟ ಮಾಡಿ ದೇಹ

ಬಿಟ್ಟು ಹೋಗುವಾಗ ಪುರಂದರ ವಿಠ್ಠಲ ನಾಮ ಬಾರದೋ||

.......................................................................................................................................................

ಪುರಂದರ ದಾಸರು – ಕವಿ ಕಾವ್ಯ ಪರಿಚಯ | Purandara Dasa – Kavi Kavya Parichaya

 

ಪೂರ್ವ ನಾಮ : ಶ್ರೀನಿವಾಸ ನಾಯಕ /ನವಕೋಟಿ ನಾರಾಯಣ (ಬಿರುದು)

ಕಾಲ : 1484 - 1564

ಜನ್ಮಸ್ಥಳ : ಆರಗ, ತೀರ್ಥಹಳ್ಳಿ ತಾಲ್ಲೂಕು ,ಶಿವಮೊಗ್ಗ ಜಿಲ್ಲೆ

ತಂದೆ : ವರದಪ್ಪ ನಾಯಕ

ತಾಯಿ: ಲಕ್ಷ್ಮೀದೇವಿ

ಹೆಂಡತಿ : ಸರಸ್ವತೀ

ಪೂರ್ವಕಸುಬು : ಹಣದ ಲೇವಾದೇವಿ

ಅಂಕಿತ :ಪುರಂದರ ವಿಠಲ

ಬಿರುದು: ಕರ್ಣಾಟಕ ಸಂಗೀತ ಪಿತಾಮಹ

ಪ್ರಮುಖ ಕೃತಿಗಳು: ಜಗದೊದ್ಧಾರನ, ಕೃಷ್ಣಾ ನೀ ಬೇಗನೆ ಬಾರೊ, ಭಾಗ್ಯದ ಲಕ್ಷ್ಮಿ ಬಾರಮ್ಮ

ಬಾ ರಂಗ ಎನ್ನ ನಾಲಿಗೆಯಲಿ ಸದಾ BAA RANGA ENNA NALIGEYALI SADA | LORD VISHNU SONG LYRICS |PURANDARA DASA

 ಹಾಡಲು ಕಲಿಯಿರಿ(CLICK HERE TO LEARN THIS SONG)

ಬಾ ರಂಗ ಎನ್ನ ನಾಲಿಗೆಯಲಿ ಸದಾ

ಹರಿ ನಾರಾಯಣ ನಾಮದ ಸ್ಮರಣೆ

ಬಾ ರಂಗ ಶ್ರೀ ರಂಗ ||

 

ಕುಳಿತಿರುವಾಗಲು ನಿಂತಿರುವಾಗಲು

ಹಾಡುವಾಗಲು ನಲಿದಾಡುವಾಗಲು

ಕೇಡುಗ ತನದಿಂದ ನೋಡಿದ ಭಾವದೊಳ್

ನಾ ಮಾಡಿದಾ ಪಾಪ ಓಡುವ ಹಾಗೆ ||1||

 

ಕನಸಿನೊಳಾಗಲಿ ಮನಸಿನೊಳಾಗಲಿ

ಕನಸು ಮನಸಿನಲಿ ನಿನ್ನ ನೆನಪಿರಲಿ

ಸಂತಸ ವರದ ಶ್ರೀ ಪುರಂದರ ವಿಠಲನೆ

ಅಂತ್ಯಕಾಲಕು ನಿನ್ನ ಚಿಂತಿಸುವ ಹಾಗೆ ||2||

....................................................................................................

ಯಾಕೆ ನಿರ್ದಯನಾದೆ ಎಲೋ ದೇವನೇ SONG LYRICS | PURANDARA DASA SONG LYRICS| YAKE NIRDAYANAADEYO |

CLICK HERE TO LEARN THIS SONG 

ಯಾಕೆ ನಿರ್ದಯನಾದೆ ಎಲೋ ದೇವನೇ

ಶ್ರೀ ಕಾಂತ ಎನಮೇಲೆ ಎಳ್ಳಷ್ಟು ದಯವಿಲ್ಲ ॥

ಕಂಗೆಟ್ಟು ಕಂಬದಲಿ  ಒಡೆದು ಬಳಲಿ ಬಂದು 

ಹಿಂಗದೆ ಪ್ರಹ್ಲಾದನ ಅಪ್ಪಿಕೊಂಡೆ ।

ಮಂಗಳಾ ಪದವಿತ್ತು ಮನ್ನಿಸಿದೆ ಅವ ನಿನಗೆ

ಬಂಗಾರವೆಷ್ಟು ಕೊಟ್ಟನೋ ಪೇಳೋ ಹರಿಯೆ ॥೧॥

ಸಿರಿದೇವಿಗ್ ಹೇಳದೇ ಸೆರಗು ಸಂವರಿಸಿದೆ

ಗರುಡನ ಮೇಲೆ ಗಮನವ ಮಾಡಿದೆ

ಭರದಿಂದ ನೀ ಬಂದು ಕರಿಯನುದ್ದರಿಸಿದೆ

ಕರಿರಾಜ ಎಷ್ಟು ಕನಕವ ಕೊಟ್ಟ ಹರಿಯೆ ॥೨॥

ಅಜಮಿಳನು ಅಣ್ಣನೆ ವಿಬೀಷಣನು ತಮ್ಮನೇ 

ನಿಜದಿ ರುಕ್ಮಾಂಗದನು ನಿನ್ನ ಮೊಮ್ಮಗನೇ ।

ಭಜನೆಗವರೇ ಹಿತರೇ ನಾ ನಿನಗೆ ಅನ್ಯನೇ

ತ್ರಿಜಗ ಪತಿ ಸಲಹಯ್ಯ ಪುರಂದರ ವಿಠಲ ॥೩॥

......................................................................................

ವಂದಿಸುವುದಾದಿಯಲಿ ಗಣನಾಥನ SONG LYRICS | PURANDARA DASA SONGS | VANDISUVUDADIYALI SONG LYRICS |

 

CLICK HERE TO LEARN THIS SONG

ವಂದಿಸುವುದಾದಿಯಲಿ ಗಣನಾಥನ |

ಸಂದೇಹ ಸಲ್ಲ ಶ್ರೀ ಹರಿಯಾಜ್ಞೆ ಇದಕುಂಟು ||

ಹಿಂದೆ ರಾವಣ ತಾನು ವಂದಿಸದೆ ಗಜಮುಖನ

ನಿಂದು ತಪವನು ಗೈದು ವರ ಪಡೆಯಲು

ಒಂದು ನಿಮಿಷದಿ ಬಂದು ವಿಘ್ನವನು ಆಚರಿಸಿ

ತಂದ ವರಗಳನೆಲ್ಲ ಧರೆಗೆ ಇಳಿಸಿದನು ||೧||

ಅಂದಿನಾ ಬಗೆಯರಿತು ಬಂದು ಹರಿ ಧರ್ಮಜಗೆ

ಮುಂದೆ ಗಣಪನ ಪೂಜಿಸೆಂದು ಪೇಳೆ

ಒಂದೇ ಮನದಲಿ ಬಂದು ಪೂಜಿಸಲು ಗಣನಾಥ

ಹೊಂದಿಸಿದ ನಿರ್ವಿಘ್ನದಿಂದ ರಾಜ್ಯವನು ||೨||

ಇಂದು ಜಗವೆಲ್ಲ ಉಮೆನಂದನನ ಪೂಜಿಸಲು

ಚೆಂದದಿಂದಲಿ ಸಕಲ ಸಿದ್ಧಿಗಳನಿತ್ತು

ತಂದೆ ಸಿರಿ ಪುರಂದರವಿಠಲನ ಸೇವೆಯೊಳು

ಬಂದ ವಿಘ್ನವ ಕಳೆದಾನಂದವನು ಕೊಡುವ ||೩||

...........................................................................................

ಕನಕದಾಸನ ಮೇಲೆ ದಯಮಾಡಲು ವ್ಯಾಸ | PURANDARA DASA SONGS |KANADASANA MELE DAYA MAADALU

 

ಕನಕದಾಸನ ಮೇಲೆ ದಯಮಾಡಲು ವ್ಯಾಸ 

ಮುನಿಮಠದ ಜನರೆಲ್ಲ ದೂರಿ ಕೊಂಬುವರು||

ತೀರ್ಥವನು ಕೊಡುವಾಗ ಕನಕನ್ನ ಕರೆಯೆನಲು

 ದೂರ್ತರಾಗಿದ್ದ ವಿದ್ವಾಂಸರೆಲ್ಲ

 ಸಾರ್ಥಕಾಯಿತು ಇವರ ಸನ್ಯಾಸಿತನವೆಲ್ಲ

 ಪೂರ್ತ್ಯಾಗಲೆಂತೆನಲು ಯತಿಯು ನಗುತಿಹನು||1||

ಮರುದಿನ ಅವರವರ ಪರಿಕಿಸಲಿಬೇಕೆಂದು

 ಕರೆದು ವಿದ್ವಾಂಸರನು ಕನಕನ್ನ ಬಿಡದೆ

ಕರದಲ್ಲಿ ಕದಳಿಯ ಫಲಗಳನೆ ಕೊಟ್ಟು

 ಯಾರಿರದ ಸ್ಥಳದಲ್ಲಿ ಮೆದ್ದು ಬನ್ನಿರೆನಲು||2||

ಊರ ಹೊರಗೆಹೋಗಿ ಬೇರೆ ಬೇರೆ ಕುಳಿತು 

ತೋರದಲೆ ಎಲ್ಲರೂ ಮೆದ್ದು ಬರಲು |

ತೋರಲಿಲ್ಲವು ಎನಗೆ ಏಕಾಂತ ಸ್ಥಳವೆನುತ 

ಸಾರಿ ಕದಳೀ ಫಲವ ತಂದು ಮುಂದಿಟ್ಟ||3||

ಡಿಂಬದೊಳು ಶಬ್ದವಾಗಾದಿ ಶ್ರೋತ್ರಗಳಲ್ಲಿ

 ಇಂಬಾಗಿ ತತ್ವೇಶರೆಲ್ಲ ತುಂಬಿಹರೊ |

ತಿಂಬುವುದು ಹೇಗೆನುತ ವ್ಯಾಸರಾಯರ ಕೇಳೆ 

ಸಂಭ್ರಮದವರೆಲ್ಲ ಕುಳಿತು ಕೇಳಿದರು ॥4||

ಮಾಣಿಕವು ಕೋಡಗನ ಕೈಯ್ಯಲ್ಲಿ ಇದ್ದಂತೆ

ಕೋಣನೆದುರಿಗ ಕಿನ್ನರಿಯ ಮೀಟಿದಂತೆ

ವೇಣುಧ್ವನಿ ಬಧಿರನ ಬಳಿ ಮಾಡಿದಂತೆ

ಕಣ್ಣು ಕಾಣದವನಿಗೆ ಕನ್ನಡಿಯ ತೋರಿದಂತೆ॥5||

ನೋಡಿದರೆ ಈ ಕನಕನಾಡುವ ಮಾತುಗಳ

ಮೂಡಜನರರಿಯಬಲ್ಲರೆ ಮಹಿಮೆಯಾ।

ನಾಡಾಡಿಯಂತೆಯೇ ಮಾಡಿ ಬಿಟ್ಟರು ಇವಗೆ

ನಾಡೆಲ್ಲ ಹುಡುಕಿದರು ಈಡಾರ ಕಾಣೆ ॥6||

ತಮ್ಮ ಕೈ ಮುಷ್ಟಿಯನು ಪಿಡಿದು ಕೇಳಲು ಯತಿಯು

ತಮ ತಮಗೆ ತೋರಿದ್ದು ಪೇಳೆ ಬ್ರಾಹ್ಮಣರು

ಗಮ್ಮನೆ ಕನಕ ಸಿರಿ ವಾಸುದೇವನೆ ಪರ

ಬೊಮ್ಮ ಪುರಂದರ ವಿಟ್ಟಲನೆನುತ ಸಾರಿದನು ॥7||

..............................................................................................................

ಎಚ್ಚರದಲಿ ನಡೆ ಮನವೇ SONG LYRICS IN KANNADA |ECCHARADALI NADE MANAVE | PURANDARA DASA SONGS LYRICS|

 

ಎಚ್ಚರದಲಿ ನಡೆ ಮನವೇ

ಮುದ್ದು ಅಚ್ಯುತನ ದಾಸರ ಒಡಗೂಡಿ ಬರುವೆ

ಅನ್ನದಾನವ ಮಾಡೋದಿಲ್ಲಿ  ಮೃ |

ಷ್ಟಾನ್ನವ ತಂದು ಮುಂದಿಡುವರು ಅಲ್ಲಿ||

ಅನ್ಯಾಯ ಮಾಡುವುದಿಲ್ಲಿ ನಿನ್ನ |

ಬೆನ್ನ ಚರ್ಮವ ಸೀಳಿ ತಿನಿಸುವರಲ್ಲಿ||

ಧರ್ಮವ ಮಾಡುವುದಿಲ್ಲಿ ಸು |

ಧರ್ಮ ಸಭೆಯ ತೋರುವರು ಮುಂದಲ್ಲಿ ||

ಕರ್ಮ ಯೋಚನೆಗಳು ಇಲ್ಲಿ ನಿನಗೆ| 

ನಿರ್ಮಿಸಿಹನು ಕ್ರಿಮಿ ತಿನ್ನುವುದಲ್ಲಿ ||||

ಹೆಣ್ಣು ಹೊನ್ನನು ಬಯಸೋದಿಲ್ಲಿ ನಿನ್ನ |

ಕಣ್ಣಿಗೆ ಸುಣ್ಣವ ತುಂಬುವರಲ್ಲಿ || 

ಘನ ಸುಜ್ನಾನವು ಇಲ್ಲಿ ಪ್ರ |

ಸನ್ನ ಪುರಂದರ ವಿಠಲ ಪಾಲಿಪನಲ್ಲಿ |||

........................................................................................................................

ಗೋವಿಂದ ನಿನ್ನ ನಾಮವೇ ಚೆಂದ SONG LYRICS | PURANDARA DASA SONGS| GOVINDA NINNA NAAMAVE CHENDA

 ಹಾಡಲು ಕಲಿಯಿರಿ(CLICK HERE TO LEARN THIS SONG)

ಗೋವಿಂದ ನಿನ್ನ ನಾಮವೇ ಚೆಂದ ಗೋವಿಂದ ನಿನ್ನ ನಾಮವೇ ಅಂದ

ಅಣುರೇಣುತೃಣಕಾಷ್ಟ ಪರಿಪೂರ್ಣ ಗೋವಿಂದ 

ನಿರ್ಮಲಾತ್ಮಕನಾಗಿ ಇರುವುದೇ ಆನಂದ            || ೧ ||

ಸೃಷ್ಟಿ ಸ್ಥಿತಿ ಲಯ ಕಾರಣ ಗೋವಿಂದ 

ಈ ಪರಿ ಮಹಿಮೆಯ ತಿಳಿಯುವುದಾನಂದ         || ೨ ||

ಪರಮ ಪುರುಷ ಶ್ರೀ ಪುರಂದರ ವಿಠಲನ 

ಇಂತಹ ದಾಸನ  ನೆನೆವುದೇ ಆನಂದ             || ೩ ||      

..........................................................................................................................................

ಯಾದವ ನೀ ಬಾ ಯದುಕುಲ ನಂದನ | YAADAVA NEE BAA SONG LYRICS IN KANNADA | LORD VISHNU SONG |

 ಹಾಡಲು ಕಲಿಯಿರಿ(CLICK HERE TO LEARN THIS SONG)

ಯಾದವ ನೀ ಬಾ ಯದುಕುಲ ನಂದನ

ಮಾಧವ ಮಧುಸೂದನ ಬಾರೋ |

ಸೋದರಮಾವನ ಮಧುರೆಲಿ ಮಡುಹಿದ

ಯಶೋದೆ ಕಂದ ನೀ ಬಾರೋ ||

 

ಕಣ ಕಾಲಂದಿಗೆ ಘುಲುಘುಲು ಎನುತಲಿ

ಝಣ ಝಣ ಎನುತಿಹ ನಾದಗಳು|

ಚಿಣಿಕೋಲು ಚೆಂಡು ಬುಗುರಿಯನಾಡುತ

ಸಣ್ಣವರೊಡಗೂಡಿ ನೀ ಬಾರೋ |1||

 

ಶಂಖ ಚಕ್ರವು ಕೈಯಲ್ಲಿ ಹೊಳೆಯುತ

ಬಿಂಕದ ಗೋವಳ ನೀ ಬಾರೋ |

ಅಕಳಂಕ ಮಹಿಮನೆ ಆದಿನಾರಾಯಣ

ಬೇಕೆಂಬ ಭಕುತರ ಬಳಿ ಬಾರೋ ||2||

 

ಖಗವಾಹನನೇ ಬಗೆಬಗೆರೂಪನೆ

ನಗೆಮೊಗದರಸನೆ ನೀ ಬಾರೋ |

ಜಗದೊಳು ನಿನ್ನಯ ಮಹಿಮೆಯ ಪೊಗಳುವೆ

ಪುರಂದರ ವಿಠ್ಠಲ ನೀ ಬಾರೋ ||3||

..................................................................................................

ಗಜವದನ ಬೇಡುವೆ GAJAVADANA BEDUVE SONG LYRICS IN KANNADA & ENGLISH | PURANDARA DASA| LORD GANESHA SONG LYRICS

 ಹಾಡಲು ಕಲಿಯಿರಿ(CLICK HERE TO LEARN THIS SONG)

ರಚನೆ: ಶ್ರೀ ಪುರಂದರದಾಸರು

ಗಜವದನ ಬೇಡುವೆ ।ಗೌರೀತನಯ

ತ್ರಿಜಗ ವಂದಿತನೆ ಸುಜನರ ಪೊರೆವನೆ॥

 

ಪಾಶಾಂಕುಶಧರ ಪರಮ ಪವಿತ್ರ

ಮೂಷಿಕವಾಹನ ಮುನಿಜನ ಪ್ರೇಮ॥೧॥

 

ಮೋದದಿ ನಿನ್ನಯ ಪಾದವ ತೋರೋ

ಸಾಧುವಂದಿತನೆ ಆದರದಿಂದಲಿ ॥೨॥

 

ಸರಸಿಜನಾಭ ಶ್ರೀ ಪುರಂದರ ವಿಟ್ಠಲನ

ನಿರುತ ನೆನೆಯುವಂತೆ ದಯ ಮಾಡೋ॥೩॥

.............................................................................................................

GAJAVADANA BEDUVE |GAURI TANAYA

TRIJAGA VANDITANE SUJANARA POREVANE||

PAASHAANKUSHADHARA PARAMA PAVITRA

MOOSHIKA VAAHANA MUNIJANA PREMA||1||

MODADI NINNAYA PAADAVA TORO

SAADHU VANDITANE AADARADINDALI ||2||

SARASIJA NAABHA SHREE PURANDARA VITTALANA 

NIRUTA NENEYUVANTE DAYAMAADO ||3||

................................................................................................................................................