ಬ್ರಹ್ಮ ವಿಷ್ಣು ಶಿವ | Bramha Vishnu Shiva Song Lyrics in Kannada

ಬ್ರಹ್ಮ ವಿಷ್ಣು ಶಿವ ಎದೆ ಹಾಲು ಕುಡಿದರೊ

ಆಮ್ಮ ನೀನೆ ದೈವ ಅಂತ ಕಾಲು ಮುಗಿದರೊ

ಬಾಳಿಗೆ ಒಂದೆ ಮನೆ ಬಾಳೆಗೆ ಒಂದೆ ಗೊನೆ

ಭೂಮಿಗೆ ದೈವ ಒಂದೇನೆ ತಾಯಿ

ದಾರಿಗೆ ಒಂದೆ ಕೊನೆ ರಾಗಿಗೆ ಒಂದೆ ತೆನೆ

ಸೃಷ್ಟಿಸೋ ಜೀವೆ ಒಂದೇನೇ ತಾಯಿ ||

 

ಜಗದೊಳಗೆ ಮೊದಲು ಜನಿಸಿದಳು

ಹುಡುಕಿದರೆ ಮೂಲ ಸಿಗದಯ್ಯಾ

ದಡವಿರದ ಕರುಣೆ ಕಡಲಿವಳು

ಗುಡಿಯಿರದ ದೇವಿ ಇವಳಯ್ಯ

ಮನಸು ಮಗು ತರ ಪ್ರೀತಿಯಲಿ

ಹರಸೊ ಹಸು ತರ ತ್ಯಾಗದಲಿ

ಜಗ ತೂಗೊ ಜನನಿ ಜೀವದ ಜೀವ ತಾಯಿ || ೧ ||

 

 

ಪದಗಳಿಗೆ ಸಿಗದ ಗುಣದವಳು

ಬರೆಯುವುದು ಹೇಗೆ ಇತಿಹಾಸ

ಬದುಕುವುದ ಕಲಿಸೊ ಗುರು ಇವಳು

ನರಳುವಳು ಹೇಗೊ ನವಮಾಸ

ಗಂಗೆ ತುಂಗೆಗಿಂತ ಪಾವನಳು

ಬೀಸೋ ಗಾಳಿಗಿಂತ ತಂಪಿವಳು

ಜಗ ತೂಗೊ ಜನನಿ ಜೀವದ ಜೀವ ತಾಯಿ || ೨ ||

Click Here to Learn the Song