ಹಾಡಲು ಕಲಿಯಿರಿ(CLICK HERE TO LEARN THIS SHLOKA)
माता
शत्रु पिता वैरी यॆन
बालॊ न पाठित: ।
न शॊभतॆ सभा मध्ये हम्स
मध्ये बको यथा॥
ಮಾತಾ ಶತ್ರು
ಪಿತಾ ವೈರೀ, ಏನ ಬಾಲೋ ನ ಪಾಠಿತ: |
ನ ಶೋಭತೇ ಸಭಾಮಧ್ಯೇ
ಹಂಸ ಮಧ್ಯೇ ಬಕೊ ಯಥಾ ||
ಯಾವ ತಾಯಿ ತಂದೆಯರು
ತಮ್ಮ ಮಗುವನ್ನು ವಿದ್ಯಾವಂತರನ್ನಾಗಿ ಮಾಡುವುದಿಲ್ಲವೋ , ಅವರೇ ಮುಂದೆ ಮಕ್ಕಳಿಗೆ ಶತ್ರುಗಳಾಗುತ್ತಾರೆ. ಹೇಗೆ ಹಂಸ ಬಕ ಪಕ್ಷಿಗಳ
ಸಭೆಯಲ್ಲಿ ಬಕಪಕ್ಷಿಯು ಶೋಭಿಸುವುದಿಲ್ಲವೋ, ಹಾಗೆಯೇ ಅವಿದ್ಯಾವಂತ ಮಕ್ಕಳು ಸಮಾಜದಲ್ಲಿ ಶೋಭಿಸುವುದಿಲ್ಲ.
CLICK HERE TO LEARN TO CHANT THIS SUBHASHITA
दुर्जन: प्रियवादीति नैतद् विश्वास
कारणम्।
मधु तिष्ठति जिह्वाग्रे हृदये तु हालाहलम्॥
ದುರ್ಜನ: ಪ್ರಿಯವಾದೀತಿ ನೈತದ್ ವಿಶ್ವಾಸ ಕಾರಣಮ್।
ಮಧು ತಿಷ್ಠತಿ ಜಿಹ್ವಾಗ್ರೇ ಹೃದಯೇ ತು ಹಾಲಾಹಲಮ್॥
ದುರ್ಜನರು ನಮ್ಮ ಜೊತೆ ಪ್ರಿಯವಾಗಿ ವರ್ತಿಸಿದರೂ, ಪ್ರಿಯವಾದ ಮಾತುಗಳನ್ನಾಡಿದರೂ, ಅವರಲ್ಲಿ ವಿಶ್ವಾಸವನ್ನು ಇರಿಸಬಾರದು. ಏಕೆಂದರೆ ಅವರ ನಾಲಿಗೆಯಲ್ಲಿ ಜೇನಿನಂತಹ ಸಿಹಿಯಾದ ಮಾತುಗಳು ಬಂದರೂ ಅವರ ಹೃದಯದಲ್ಲಿ ಹಾಲಾಹಲವೇ ತುಂಬಿರುತ್ತದೆ.
................................................................................................
ಹಾಡಲು ಕಲಿಯಿರಿ(CLICK HERE TO LEARN THIS SONG)
ರಚನೆ: ಚೆನ್ನವೀರ ಕಣವಿ
ಹೂವು ಹೊರಳುವವು ಸೂರ್ಯನ ಕಡೆಗೆ
ನಮ್ಮ ದಾರಿ ಬರಿ ಚಂದ್ರನವರೆಗೆ |
ಇರುಳಿನ ಒಡಲಿಗೆ ದೂರದ ಕಡಲಿಗೆ
ಮುಳುಗಿದಂತೆ ದಿನ ಬೆಳಗಿದಂತೆ
ಹೊರಬರುವನು ಕೂಸಿನ ಹಾಗೆ ||
ಜಗದ ಮೂಸೆಯಲಿ ಅಡಗಿಸಿ ಬಿಡುವನು ಎಲ್ಲ ಬಗೆಯ ಸರಕು
ಅದಕೆ ಅದರ ಗುಣ ದೋಷಗಳಂಟಿಸಿ ಬಿಡಿಸಿ ಬಿಟ್ಟ ತೊಡಕು ||1||
ಗಿಡದಿಂದುದುರುವ ಎಲೆಗಳಿಗೂ ಮುದ ಚಿಗುರುವಾಗಲೂ ಒಂದೆ ಹದ |
ನೆಲದ ಒಡಲಿನೊಳಗೇನು ನಡೆವುದೋ ಎಲ್ಲಿ ಕುಳಿತಿಹನೋ ಕಲಾವಿದ||2||
ಬಿಸಿಲ ಧಗೆಯ ಬಸಿರಿಂದಲೇ ಸುಳಿವುದು ಮೆಲು ತಂಗಾಳಿಯು ಬಳಿಗೆ |
ಸಹಿಸಿಕೊಂಡ ಸಂಕಟವನು ಸೋಸಲು ಬಂದೆ ಬರುವುದಾ ಗಳಿಗೆ ||3||
ಸಹಜ ನಡೆದರೂ ಭೂಮಿಯ ಲಯದಲಿ ಪದಗಳನಿರಿಸಿದ ಹಾಗೆ |
ವಿಶ್ವದ ರಚನೆಯ ಹೊಳಹಿನಲ್ಲಿ ಕಂಗೊಳಿಸಿತು ಕವಿತೆಯು ಹೀಗೆ ||4||
