ಧರೆಗವತರಿಸಿದೆ ಸ್ವರ್ಗದ ಸ್ಪರ್ಧಿಯು|DHAREGAVATARISIDE SONG LYRICS IN KANNADA

 ಹಾಡಲು ಕಲಿಯಿರಿ(CLICK HERE TO LEARN THIS SONG)

ಧರೆಗವತರಿಸಿದೆ ಸ್ವರ್ಗದ ಸ್ಪರ್ಧಿಯು

ಸುಂದರ ತಾಯ್ನೆಲವು ನಮ್ಮೀ ತಾಯ್ನೆಲವು

ದೇವಿ ನಿನ್ನಯ ಸೊಬಗಿನ ಮಹಿಮೆಯ

ಬಣ್ಣಿಸಲಸದಳವು ನಮ್ಮೀ ತಾಯ್ನೆಲವು ||

 

ಧವಳ ಹಿಮಾಲಯ ಮುಕುಟದ ಮೆರುಗು

ಕಾಲ್ತೊಳೆಯುತಲಿದೆ ಜಲಧಿಯ ಬುರುಗು

ಗಂಗಾ ಬಯಲಿದು ಹಸಿರಿನ ಸೆರಗು

ಕಣ ಕಣಮಂಗಳವು ನಮ್ಮೀ ತಾಯ್ನೆಲವು||1||

 

ದೇವಿ ನಿನ್ನಯ ಸೊಬಗಿನ ಮಹಿಮೆಯ

ಬಣ್ಣಿಸಲಸದಳವು ನಮ್ಮೀ ತಾಯ್ನೆಲವು ||

 

ಕಾಶ್ಮೀರದಲಿ ಸುರಿವುದು ತುಹಿನ

ರಾಜಸ್ಥಾನದಿ ಸುಡುವುದು ಪುಲಿನ

ಮಲಯಾಚಲದಲಿ ಗಂಧದ ಪವನ

ವಿಧವಿಧ ಹೂ ಫಲವು ನಮ್ಮೀ ತಾಯ್ನೆಲವು||2||

 

ದೇವಿ ನಿನ್ನಯ ಸೊಬಗಿನ ಮಹಿಮೆಯ

ಬಣ್ಣಿಸಲಸದಳವು ನಮ್ಮೀ ತಾಯ್ನೆಲವು ||

 

ಹಲವು ಭಾಷೆ ನುಡಿ ಲಿಪಿಗಳ ತೋಟ

ವಿವಿಧ ಪಂಥ ಮತಗಳ ರಸದೂಟ

ಕಾಣಲು ಕಾಮನ ಬಿಲ್ಲಿನ ನೋಟ

ಬಗೆ ಬಗೆಯ ಸಂಕುಲವು ನಮ್ಮೀ ತಾಯ್ನೆಲವು||3||

 

ದೇವಿ ನಿನ್ನಯ ಸೊಬಗಿನ ಮಹಿಮೆಯ

ಬಣ್ಣಿಸಲಸದಳವು ನಮ್ಮೀ ತಾಯ್ನೆಲವು ||

 

ಪುಣ್ಯವಂತರಿಗೆ ಇದುವೆ ನಾಕ

ಖಳರಿಗೆ ಆಗಿದೆ ಶಿವನ ಪಿನಾಕ

ಶರಣಾಗತರಿಗೆ ಅಭಯದಾಯಕ

ಯುಗಯುಗದೀ ನೆಲವು ನಮ್ಮೀ ತಾಯ್ನೆಲವು||4||

 

ದೇವಿ ನಿನ್ನಯ ಸೊಬಗಿನ ಮಹಿಮೆಯ

ಬಣ್ಣಿಸಲಸದಳವು ನಮ್ಮೀ ತಾಯ್ನೆಲವು ||

 

ಗಂಗೆ ತುಂಗೆಯರ ಅಮೃತ ಸ್ತನ್ಯ

ಕುಡಿಸುತ ಮಾಡಿದೆ ಜೀವನ ಧನ್ಯ

ಮುಡಿಪಿದು ಬದುಕು ನಿನಗೆ ಅನನ್ಯ

ಕ್ಷಣ ಕ್ಷಣ ಬಲ ಛಲವು ನಮ್ಮೀ ತಾಯ್ನೆಲವು||5||

 

ದೇವಿ ನಿನ್ನಯ ಸೊಬಗಿನ ಮಹಿಮೆಯ

ಬಣ್ಣಿಸಲಸದಳವು ನಮ್ಮೀ ತಾಯ್ನೆಲವು ||

...............................................................................................................................................