ಪವಮಾನ ಜಗದಾ ಪ್ರಾಣಾ (ಸಾಹಿತ್ಯ)(PAVAMANA JAGADA PRANA) -LYRICS IN KANNADA

 ಪವಮಾನ ಜಗದಾ ಪ್ರಾಣಾ

ಪವಮಾನ ಪವಮಾನ ಪವಮಾನ ಜಗದಾ ಪ್ರಾಣಾ

ಸಂಕರುಷಣ ಭವಭಯಾರಣ್ಯ ದಹನಾ... ದಹನಾ|

ಶ್ರವಣವೆ ಮೊದಲಾದ ನವವಿಧ ಭಕುತಿಯ

ತವಕದಿಂದಲಿ ಕೊಡು ಕವಿಜನ ಪ್ರಿಯ||

 

ಹೇಮ ಕಚ್ಚುಟ ಉಪವೀತ ಧರಿಪ ಮಾರುತ

ಕಾಮಾದಿ ವರ್ಗ ರಹಿತ....ಕಾಮಾದಿ ವರ್ಗ ರಹಿತ|

ವ್ಯೋಮಾದಿ ಸರ್ವವ್ಯಾಪುತ ಸತತ ನಿರ್ಭೀತ

ರಾಮಚಂದ್ರನ ನಿಜದೂತ ....ರಾಮಚಂದ್ರನ ನಿಜದೂತ|

ಯಾಮ ಯಾಮಕೆ ನಿನ್ನಾರಾಧಿಪುದಕೆ

ಕಾಮಿಪೆ ಎನಗಿದು ನೇಮಿಸಿ ಪ್ರತಿದಿನ

ಈ ಮನಸಿಗೆ ಸುಖಸ್ತೋಮವ ತೋರುತ

ಪಾಮರ ಮತಿಯನು ನೀ ಮಾಣಿಪುದು||1||

 

ವಜ್ರ ಶರೀರ ಗಂಭೀರ ಮುಕುಟಧರ

ದುರ್ಜನವನ ಕುಠಾರ.....ದುರ್ಜನವನ ಕುಠಾರ|

ನಿರ್ಜರ ಮಣಿ ದಯಪಾರ ವಾರ ಉದಾರ

ಸಜ್ಜನರಘ ಪರಿಹಾರ....ಸಜ್ಜನರಘ ಪರಿಹಾರ|

ಅರ್ಜುನಗೊಲಿದಂದು ಧ್ವಜವಾನಿಸಿ ನಿಂದು

ಮೂರ್ಜಗವರಿವಂತೆ ಗರ್ಜನೆ ಮಾಡಿದಿ

ಹೆಜ್ಜೆ ಹೆಜ್ಜೆಗೆ ನಿನ್ನ ಅಬ್ಜ ಪದದ ಧೂಳಿ

ಮರ್ಜನದಲಿ ಭವ ವರ್ಜಿತವೆನಿಸೋ||2||

 

ಪ್ರಾಣ ಅಪಾನ ವ್ಯಾನೋದಾನ ಸಮಾನ

ಆನಂದ ಭಾರತಿ ರಮಣ....ಆನಂದ ಭಾರತಿ ರಮಣ|

ನೀನೆ ಶರ್ವಾದಿ ಗೀರ್ವಾಣಾದ್ಯಮರರಿಗೆ

ಜ್ಞಾನಧನ ಪಾಲಿಪ ವರೇಣ್ಯ....ಜ್ಞಾನಧನ ಪಾಲಿಪ ವರೇಣ್ಯ|

ನಾನು ನಿರುತದಲಿ ಏನೇನೆಸಗುವೆ

ಮಾನಸಾದಿ ಕರ್ಮ ನಿನಗೊಪ್ಪಿಸಿದೆನೊ

ಪ್ರಾಣನಾಥ ಸಿರಿ ವಿಜಯ ವಿಠ್ಠಲನ

ಕಾಣಿಸಿ ಕೊಡುವುದು ಭಾನುಪ್ರಕಾಶ||3||

.............................................................................................

ಹಾಡಲು ಕಲಿಯಿರಿ(LEARN HOW TO SING THIS SONG)

Also see:

ಬಾಲಬೋಧೆ(ಮಕ್ಕಳ ಬಾಯಿಪಾಠ):ನವ ಗ್ರಹಗಳು |KIDS BYHEART: 9 GRAHAS

ಬಾನಿನಲ್ಲಿ ಮೂಡಿ ಬಂದ ಚಂದಮಾಮ(ಶಿಶುಗೀತೆ) : BANINALLI MOODI BANDA SONG LYRICS IN KANNADA