ಊರಿಗೆ ಬಂದರೆ ದಾಸಯ್ಯ(ಪುರಂದರದಾಸರು) ಸಾಹಿತ್ಯ \ OORIGE BANDARE DASAYYA (PURANDARA DASA) SONG LYRICS IN KANNADA

 ಹಾಡಲು ಕಲಿಯಿರಿ(CLICK HERE TO LEARN THIS SONG)

ಊರಿಗೆ ಬಂದರೆ ದಾಸಯ್ಯ ನಮ್ಮ ಕೇರಿಗೆ ಬಾ ಕಂಡ್ಯ ದಾಸಯ್ಯ

ಕೇರಿಗೆ ಬಂದರೆ ದಾಸಯ್ಯ ಗೊಲ್ಲ ಕೇರಿಗೆ ಬಾ ಕಂಡ್ಯ ದಾಸಯ್ಯ||

ಊರಿಗೆ ಬಂದರೆ ದಾಸಯ್ಯ ನಮ್ಮ ಕೇರಿಗೆ ಬಾ ಕಂಡ್ಯ ದಾಸಯ್ಯ

 

ಕೊರಳೊಳು ವನಮಾಲೆ ಧರಿಸಿದವನೆ

 ಕಿರು ಬೆರಳಲ್ಲಿ ಬೆಟ್ಟವನೆತ್ತಿದನೆ

ಇರುಳು ಹಗಲು ನಿನ್ನ ಕಾಣದೆ ಇರಲಾರೆ

ಮರುಳು ಮಾಡಿದಂತ ದಾಸಯ್ಯ||1||

 

ಕಪ್ಪು ವರ್ಣದ ದಾಸಯ್ಯ ಕಂದರ್ಪ ಪಿತನೆಂಬೋ ದಾಸಯ್ಯ

ಅಪ್ಪಿಕೊಂಡು ನಮ್ಮ ಮನಸ್ಸಿಗೆ ಬಂದರೆ ಕಪ್ಪವ ಕೊಡುವೆನು ದಾಸಯ್ಯ||2||

 

ಸಣ್ಣ ನಾಮದ ದಾಸಯ್ಯ ನಮ್ಮ ಸದನಕ್ಕೆ ಬಾ ಕಂಡ್ಯ ದಾಸಯ್ಯ

ಸದನಕ್ಕೆ ಬಂದರೆ ದಾಸಯ್ಯ ಮಣಿ ಸರವನ್ನು ಕೊಡುವೆನು ದಾಸಯ್ಯ||3||

 

ಸಿಟ್ಟು ಮಾಡದಿರು ದಾಸಯ್ಯ ಸಿರಿ ಪುರಂದರ ವಿಠಲ ದಾಸಯ್ಯ

ರಟ್ಟು ಮಾಡದಿರು ದಾಸಯ್ಯ ತಂಬಿಟ್ಟು ಕೊಡುವೆನು ದಾಸಯ್ಯ||4||

................................................................................................................................

Also See:

ಕಲಿಸು ಗುರುವೆ ಕಲಿಸು(ಸಾಹಿತ್ಯ)|KALISU GURUVE KALISU LYRICS IN KANNADA|GURU POORNIMA

LORD KRISHNA( ಕೃಷ್ಣನ ಹಾಡು)