ತಾಯಿ ಭಾರತಿಯ ಪಾದ ಪದ್ಮಗಳ ಪೂಜಿಸೋಣ ಬನ್ನಿ|Tayi bharatiya pada padmagala Song lyrics in kannada|Patriotic Song |kannada savigana lyrics

 ಹಾಡಲು ಕಲಿಯಿರಿ(CLICK HERE TO LEARN THIS SONG)

ತಾಯಿ ಭಾರತಿಯ ಪಾದ ಪದ್ಮಗಳ ಪೂಜಿಸೋಣ ಬನ್ನಿ

ಹಿಂದೂ ಸಾಗರದ ಬಿಂದು ಬಿಂದುಗಳೇ ಒಂದುಗೂಡಿ ಬನ್ನಿ| ಒಂದುಗೂಡಿ ಬನ್ನಿ|

 

ಧ್ಯೇಯ ಭಾಸ್ಕರನ ದಿವ್ಯ ಕಿರಣಗಳ ನವ್ಯ ರಮ್ಯ ಲಾಸ್ಯ

ತರುಣ ರಂಗದೊಳು ಅರುಣ ಗೈಯುತಿಹ ನವೋದಯದ ನಾಟ್ಯ

ಬಾಹು ಬಾಹುಗಳ ಸ್ಪುರಣ ಗೊಳಿಸುತಲಿ ನಲಿಯುತೀಗ ಬನ್ನಿ| ನಲಿಯುತೀಗ ಬನ್ನಿ| ||1||

 

ಶಕ್ತಿಯಿಂದ ಅಭಿವ್ಯಕ್ತಿಗೊಳಿಸಿರೈ ದೇಶ ಭಕ್ತಿಯನ್ನು

ತಪ್ತ ಮನಗಳಲಿ ಸುಪ್ತವಾಗಿರುವ ಧ್ಯೇಯ ದೀಪ್ತಿಯನ್ನು

ತ್ಯಾಗ ಸಾಹಸದ ಪುಷ್ಪ ಮಾಲೆಯನು ತಾಯ್ಗೆ ತೊಡಿಸ ಬನ್ನಿ| ತಾಯ್ಗೆ ತೊಡಿಸ ಬನ್ನಿ| ||2||

 

ಮಾತೃಭೂಮಿಯ ವಿಛಿದ್ರ ಗೊಳಿಸುತಿರೆ ಕ್ಷುದ್ರ ಅರಿಯ ಸಂಚು

ಪ್ರಳಯ ರುದ್ರ ನುರಿಗಣ್ಣ ತೆರೆಸಿರೈ ಹರಿಸಿ ಪ್ರಖರ ಮಿಂಚು

ಶಸ್ತ್ರ ಶಾಸ್ತ್ರಗಳ ಅಸ್ತ್ರ ಚಾಲನೆಗೆ ಸಿದ್ಧರಾಗಿ ಬನ್ನಿ| ಸಿದ್ಧರಾಗಿ ಬನ್ನಿ| ||3||

 

ಭರತ ಭೂಮಿಯಲಿ ಭರದಿ ಭೋರಿಡಲಿ ದಿವ್ಯ ಪಾಂಚಜನ್ಯ

ಯೋಗ ಯಾಗಗಳ ತ್ಯಾಗ ಭೂಮಿಯಲಿ ಜನಿಸಿದವರೆ ಧನ್ಯ

ನಾಡ ರಕ್ಷಣೆಗೆ ಬಾಳ ಕ್ಷಣ ಕ್ಷಣವ ಮುಡಿಪು ನೀಡ ಬನ್ನಿ| ಮುಡಿಪು ನೀಡ ಬನ್ನಿ| ||4||

.............................................................................................................................

Also See:

NITYOTSAVA (ನಿತ್ಯೋತ್ಸವ ಗೀತೆ).

ಗುರುವೆ ನಾನು ಒಂದು ಸೊನ್ನೆ lyrics- GURUVE NAANU ONDU SONNE LYRICS IN KANNADA AND ENGLISH