ಯಾದವ ನೀ ಬಾ ಯದುಕುಲ ನಂದನ | YAADAVA NEE BAA SONG LYRICS IN KANNADA | LORD VISHNU SONG |

 ಹಾಡಲು ಕಲಿಯಿರಿ(CLICK HERE TO LEARN THIS SONG)

ಯಾದವ ನೀ ಬಾ ಯದುಕುಲ ನಂದನ

ಮಾಧವ ಮಧುಸೂದನ ಬಾರೋ |

ಸೋದರಮಾವನ ಮಧುರೆಲಿ ಮಡುಹಿದ

ಯಶೋದೆ ಕಂದ ನೀ ಬಾರೋ ||

 

ಕಣ ಕಾಲಂದಿಗೆ ಘುಲುಘುಲು ಎನುತಲಿ

ಝಣ ಝಣ ಎನುತಿಹ ನಾದಗಳು|

ಚಿಣಿಕೋಲು ಚೆಂಡು ಬುಗುರಿಯನಾಡುತ

ಸಣ್ಣವರೊಡಗೂಡಿ ನೀ ಬಾರೋ |1||

 

ಶಂಖ ಚಕ್ರವು ಕೈಯಲ್ಲಿ ಹೊಳೆಯುತ

ಬಿಂಕದ ಗೋವಳ ನೀ ಬಾರೋ |

ಅಕಳಂಕ ಮಹಿಮನೆ ಆದಿನಾರಾಯಣ

ಬೇಕೆಂಬ ಭಕುತರ ಬಳಿ ಬಾರೋ ||2||

 

ಖಗವಾಹನನೇ ಬಗೆಬಗೆರೂಪನೆ

ನಗೆಮೊಗದರಸನೆ ನೀ ಬಾರೋ |

ಜಗದೊಳು ನಿನ್ನಯ ಮಹಿಮೆಯ ಪೊಗಳುವೆ

ಪುರಂದರ ವಿಠ್ಠಲ ನೀ ಬಾರೋ ||3||

..................................................................................................