ಕೈ ಮೀರಿ ಹೋದ ಮಾತಿಗೆ ಹುಡುಕಾಡಬಾರದು ||ಪ||
ಮಾತು ಕೇಳದ ಮಕ್ಕಳ ಹೆಸರು ತೆಗೆಯಬಾರದು |
ತನ್ನ ಪ್ರೀತಿಯಿಲ್ಲದ ಪತಿಯ ಕಂಡು ಹಿಗ್ಗಬಾರದು |
ಜಾರತ್ವ ಮಾಡೋ ಪತ್ನಿಯ ಕೂಡಿ ಅಳಬಾರದು |
ವೈರತ್ವ ಮಾಳ್ಪರ ಸೊಲ್ಲು ಕೇಳಬಾರದು ||ಅ.ಪ||
ದುಷ್ಟೇ ಕರ್ಕಶಿ ಸ್ತ್ರೀಯ ಹೆಸರು ತೆಗೆಯಬಾರದು
ಹತ್ತು ಮಂದಿಗೆ ಅಂಜದವನ ಸ್ನೇಹಿಸಬಾರದು
ಪಂಕ್ತಿಯಲ್ಲಿ ಪರಪಂಕ್ತಿಯನು ಮಾಡಬಾರದು
ಮಂಕು ಜೀವನಾಗಿ ಮುಕ್ತಿ ಬೇಡಬಾರದು ||1||
ಆಚಾರಹೀನನ ಮನೆಯೊಳು ಊಟ ಮಾಡಬಾರದು
ವಿಚಾರ ಇಲ್ಲದ ಸಭೆಯೊಳು ಕೂಡಬಾರದು
ಪರ ಪುರುಷರಿದ್ದೆಡೆ ಒಬ್ಬಳಿರಬಾರದು
ಪುರಂದರ ವಿಠಲನ
ಧ್ಯಾನ ಮರೆಯಬಾರದು||2||
........................................................................
