DHAVALA HIMADA GIRIYA MELE: ಧವಳ ಹಿಮದ ಗಿರಿಯ ಮೇಲೆ|KANNADA PATRIOTIC SONG LYRICS

ಧವಳ ಹಿಮದ ಗಿರಿಯ ಮೇಲೆ

ಧವಳ ಹಿಮದ ಗಿರಿಯ ಮೇಲೆ ಅರುಣ ಧ್ವಜವ ಹಾರಿಸಿ

ಮುಗಿಲ ಏಣಿ ಏರಿ ನಿಂತು ವಿಜಯ ಭೇರಿ ಬಾರಿಸಿ...||

ಸಿಂಧೂ ಕಣಿವೆ ಒಡಲಿನಿಂದ ವೀರಗಾನ ಮೊಳಗಲಿ

ಧ್ಯೇಯ ರವಿಯ ಕಿರಣತರುಣರೆದೆಯ ಗುಡಿಯ ಬೆಳಗಲಿ

ಎದ್ದು ನಿಲ್ಲು ಭಾರತ... ದಿವ್ಯ ಪ್ರಭೆಯ ಬೀರುತ||1||

ಮನವ ಹಸಿರುಗೊಳಿಸುತಿಹಳು ಭಾವಗಂಗೆ ಅನುದಿನ

ಇಳೆಯ ಕೊಳೆಯ ತೊಳೆಯುತಿಹಳು ತಾಯಿ ತುಂಗೆ ಕ್ಷಣ ಕ್ಷಣ

ನೆಲವಿದೆಮ್ಮ ಪಾವನ…. ಇನಿತು ಧನ್ಯ ಜೀವನ ||2||

ನಾಡ ಗುಡಿಯ ಮೂರು ಕಡೆಯು ಪೊರೆವ ಶಾಂತ ಸಾಗರ

ಹಿಂದೂ ಜನರ ಹೃದಯವಿಂದು ಕ್ಷಾತ್ರ ತೇಜದಾಗರ

ಸ್ಪೂರ್ತಿ ಗೌರಿ ಶಂಕರ.. ಕಾಲ ಯಮನು ಕಿಂಕರ||3||

ಅಸುರತನದಉಸಿರ ನೀಗಿ ಭೇದ ಭಾವ ನೀಗುತ

ಸಾಗು ಮುಂದೆ ಮುಂದೆ ಸಾಗು ಮಾತೆಯನ್ನು ಸ್ಮರಿಸುತ

ನಿನಗೆ ಜಯದ ಆರತಿ … ಹರಸು ತಾಯೆ ಭಾರತಿ||4||

ಹಾಡಲು ಕಲಿಯಿರಿ(LEARN HOW TO SING THIS SONG)