ದೀಪವು ನಿನ್ನದೆ ಗಾಳಿಯು ನಿನ್ನದೆ| DEEPAVU NINNADE GAALIYU NINNADE LYRICS IN KANNADA

ದೀಪವು ನಿನ್ನದೆ ಗಾಳಿಯು

ರಚನೆ : ಕೆ. ಎಸ್. ನರಸಿಂಹಸ್ವಾಮಿ

ದೀಪವು ನಿನ್ನದೆ ಗಾಳಿಯು ನಿನ್ನದೆ ಆರದಿರಲಿ ಬೆಳಕು

ಕಡಲು ನಿನ್ನದೆ ಹಡಗು ನಿನ್ನದೆ ಮುಳುಗದಿರಲಿ ಬದುಕು||

ಬೆಟ್ಟವು ನಿನ್ನದೆ ಬಯಲು ನಿನ್ನದೆ ಹಬ್ಬಿನದಲಿ ಪ್ರೀತಿ

ನೆಳಲೋ ಬಿಸಿಲೋ ಎಲ್ಲವು ನಿನ್ನದೆ, ಇರಲಿ ಏಕ ರೀತಿ||1||

ಆಗೊಂದು ಸಿಡಿಲು ಈಗೊಂದು ಮುಗಿಲು ನಿನಗೆ ಅಲಂಕಾರ

ಅಲ್ಲೊಂದು ಹಕ್ಕಿ ಇಲ್ಲೊಂದು ಮುಗುಳು ನಿನಗೆ ನಮಸ್ಕಾರ||2||

ಅಲ್ಲಿ ರಣದುಂದುಭಿ… ಇಲ್ಲೊಂದು ವೀಣೆ …ನಿನ್ನ ಪ್ರತಿಧ್ವನಿ..

 ಆ ಮಹಾ ಕಾವ್ಯ …ಈ ಭಾವಗೀತೆ… ನಿನ್ನ ಪದಧ್ವನಿ ||3||

.............................................................................................

ಹಾಡಲು ಕಲಿಯಿರಿ(LEARN HOW TO SING THIS SONG)

ಊಟಕ್ಕೆ ಬಂದೆವು ನಾವು| OOTAKKE BANDEVU NAAVU LYRICS| PURANDARA DASARU

ಊಟಕ್ಕೆ ಬಂದೆವು ನಾವು

ರಚನೆ : ಪುರಂದರದಾಸರು

ಊಟಕ್ಕೆ ಬಂದೆವು ನಾವು ನಿಮ್ಮ

 ಆಟಪಾಟವ ಬಿಟ್ಟು ಅಡುಗೆ ಮಾಡಮ್ಮ||

ಕತ್ತಲಿಟ್ಟಾವಮ್ಮ ಕಣ್ಣುಬಾಯಿ

ಬತ್ತಿ ಬರುತಲಿದೆ ಕೈ ಕಾಲು ಝುಮ್ಮ

ಹೊತ್ತು ಹೋಗಿಸಬೇಡವಮ್ಮ

ಒಂದು ತುತ್ತಾದರು ಇತ್ತು ಸಲಹು ನಮ್ಮಮ್ಮ||1||

ಒಡಲೊಳಗೆ ಉಸಿರಿಲ್ಲ ಒಂದು

ಕ್ಷಣವಾದರೆ ಜೀವ ನಿಲ್ಲುವುದಿಲ್ಲ

ಮಡಿದರೆ ದೋಷ ತಟ್ಟುವುದು

ಒಂದು ಹಿಡಿಯಕ್ಕಿಯಿಂದಲೆ ಕೀರ್ತಿ ಬಾಹೋದು||2||

ಹೊನ್ನ ರಾಶಿಯ ತಂದು ಸುರಿಯೆ ಕೋಟಿ

ಕನ್ನಿಕೆಯರ ತಂದು ಧಾರೆಯನೆರೆಯೆ

ಅನ್ನ ದಾನಕ್ಕಿನ್ನು ಸರಿಯೆ ಪ್ರ..

ಸನ್ನ ಪುರಂದರ ವಿಠ್ಠಲ ದೊರೆಯೆ||3||

...........................................................................................................

ಹಾಡಲು ಕಲಿಯಿರಿ(LEARN HOW TO SING THIS SONG)

ಅಮ್ಮ ನಿನ್ನ ಎದೆಯಾಳದಲ್ಲಿ|AMMA NINNA EDEYAALADALLI LYRICS IN KANNADA

ಅಮ್ಮ ನಿನ್ನ ಎದೆಯಾಳದಲ್ಲಿ

ಸಾಹಿತ್ಯ: ಬಿ. ಆರ್. ಲಕ್ಷ್ಮಣ್ ರಾವ್

ಅಮ್ಮ ನಿನ್ನ ಎದೆಯಾಳದಲ್ಲಿ ಗಾಳಕ್ಕೆ ಸಿಕ್ಕ ಮೀನು

ಮಿಡುಕಾಡುತಿರುವೆ ನಾನು|

ಕಡಿಯಲೊಲ್ಲೆ ನೀ ಕರುಳ ಬಳ್ಳಿ ಒಲವೂಡುತಿರುವ ತಾಯೆ,

ಬಿಡದ ಭುವಿಯ ಮಾಯೆ||

ನಿನ್ನ ರಕ್ಷೆ ಗೂಡಲ್ಲಿ ಬೆಚ್ಚಗೆ  ಅಡಗಲಿ ಎಷ್ಟು ದಿನ ,

ದೂಡು ಹೊರಗೇ ನನ್ನ|

ಓಟ ಕಲಿವೆ ಒಳನೋಟ ಕಲಿವೆ ನಾ ಕಲಿವೆ ಊರ್ಧ್ವ ಗಮನ

ಓ ಅಗಾಧ ಗಗನ||1||

ಮೇಲೆ ಹಾರಿ ನಿನ್ನಾ ಸೆಳೆತ ಮೀರಿ ನಿರ್ಭಾರ ಸ್ಥಿತಿಗೆ ತಲುಪಿ,

ಬ್ರಹ್ಮಾಂಡವನ್ನೇ ಬೆದಕಿ|

ಇಂಧನ ತೀರಲು ಬಂದೇ ಬರುವೆನು ಮತ್ತೆ ನಿನ್ನ ತೊಡೆಗೆ

ಮೂರ್ತ ಪ್ರೇಮದೆಡೆಗೆ||2||

ಹಾಡಲು ಕಲಿಯಿರಿ(LEARN HOW TO SING THIS SONG)

AMMA NINNA EDEYAALADALLI GAALAKKE SIKKA MEENU

MIDUKAADUTIRUVE NAANU

KADIYALOLLE EE KARULA BALLI

OLAVOODUTIRUVA TAAYE, BIDADA BHUVIYA MAAYE ||

NINNA RAKSHE GOODALLI BECHAGE ADAGALI ESTU DINA

DOODU HORAGE NANNA

OOTA KALIVE OLA NOTA KALIVE

NAA KALIVE OORDHVA GAMAN, O AGHAADHA GAGAN ||1||

MELE HAARI NINNA SELETA MEERI,NIRBHAARA STITHIGE TALUPI,

BRAHMAANDAVANNE BEDAKI

INDHANA THEERALU BANDE BARUVENU, MATHE NINNA TODEGE

MOORTHA PREMADE DEGE ||2||

...................................................................................................................................

Also See:

KANNADA KALI|ಕನ್ನಡ ಕಲಿ|COLOUR NAMES IN KANNADA - ಬಣ್ಣಗಳು

GURU STOTRAM: ಗುರು ಸ್ತೋತ್ರಮ್ |SHLOKAS WITH MEANING

ಕಂಬದ ಮ್ಯಾಲಿನ ಗೊಂಬೆಯೇ | KAMBADA MYALINA GOMBEYE LYRICS

ಕಂಬದ ಮ್ಯಾಲಿನ ಗೊಂಬೆಯೇ

ಕಂಬದ ಮ್ಯಾಲಿನ ಗೊಂಬೆಯೇ ನಂಬಲೇನ ನಿನ್ನ ನಗಿಯನ್ನಾ

ಭಿತ್ತಿಯ ಮ್ಯಾಲಿನ ಚಿತ್ತಾರವೇ ಚಿತ್ತಗೊಟ್ಟಹೇಳೆ ಉತ್ತಾರವ |

ಒಬ್ಬಳೇ ನಾನಿಲ್ಲಿ ತಬ್ಬಿಬ್ಬುಗೊಂಡಿಹೆನು

 ಮಬ್ಬು ಹರಿಯುವದೇನ ಹಬ್ಬವಾಗುವುದೇನ||

ನೀರೊಲೆಯ ನಿಗಿ ಕೆಂಡ ಸತ್ಯವೇ

ಈ ಅಭ್ಯಂಜನವಿನ್ನು ನಿತ್ಯವೇ|

ಒಳ್ಳೆ ಘಮಗುಡುತಿಯಲ್ಲೆ ಸೀಗೆಯೆ

ನಿನ್ನ ವಾಸನೀ ಹರಡಿರಲೀ ಹೀಗೆಯೇ|

ಒಬ್ಬಳೇ ನಾನಿಲ್ಲಿ ತಬ್ಬಿಬ್ಬುಗೊಂಡಿಹೆನು

 ಮಬ್ಬು ಹರಿಯುವದೇನ ಹಬ್ಬವಾಗುವುದೇನ||1||

ಒಪ್ಪಿಸುವೇ ಹೂ - ಹಣ್ಣು ಭಗವಂತ

ನೆಪ್ಪೀಲೇ ಹರಸು ನಗೀ ಇರಲಂತ|

ಕಪ್ಪುರವ ಬೆಳಗುವೆ ದೇವನೇ

ತಪ್ಪದೇ ಬರಲೆನ್ನ ಗುಣವಂತ|

ಒಬ್ಬಳೇ ನಾನಿಲ್ಲಿ ತಬ್ಬಿಬ್ಬುಗೊಂಡಿಹೆನು

 ಮಬ್ಬು ಹರಿಯುವದೇನ ಹಬ್ಬವಾಗುವುದೇನ||2||

ಹಾಡಲು ಕಲಿಯಿರಿ(LEARN HOW TO SING THIS SONG)

ಶ್ರೀ ವಾಣಿ ಕಲ್ಯಾಣ ಗುಣಮಣಿ |SHRI VANI KALYANA GUNAMANI SONG LYRICS|KANNADA| SCHOOL PRAYER LYRICS

ಶ್ರೀ ವಾಣಿ ಕಲ್ಯಾಣ ಗುಣಮಣಿ

ಶ್ರೀ ವಾಣಿ ಕಲ್ಯಾಣ ಗುಣಮಣಿ ಲೋಕ ಜನನಿಗೆ ನಮಿಸುವೆವು|

ಕೋಕಿಲ ವಾಣಿ ಫಣಿ ಸಮ ವೇಣಿ ವೀಣಾ ಪುಸ್ತಕ ಪಾಣಿಯೆ||

ವಿದ್ಯಾಧೀಶ್ವರಿ ವಿಧಿಪ್ರಾಣೇಶ್ವರಿ ವಿದ್ಯಭಯಾಹರಿ ಶಂಕರಿ

ವಿದ್ಯಾ ಬುದ್ಧಿಗಳನು ನೀ ಕರುಣಿಸು ಮುದ್ದು ಕುಮಾರರ ರಕ್ಷಿಸು||1||

ಮಯೂರ ವಾಹನ ಮರಾಳ ಗಮನ ಸುರ ನರ ಕಿನ್ನರ ಮುಖ ಚರಣೇ

ತೋಯಜ ನಯನೆ ಸುರನರ ವದನೆ ಭಾರತಿ ಶಂಕರಿ ಸ್ತುತಿ ಸದನೆ||2||

.........................................................................................................................

ಹಾಡಲು ಕಲಿಯಿರಿ(LEARN HOW TO SING THIS SONG)

ಹಕ್ಕಿಯ ಹಾಡಿಗೆ ತಲೆದೂಗುವ ಹೂ (HAKKIYA HAADIGE TALEDUGUVA LYRICS)

ಹಕ್ಕಿಯ ಹಾಡಿಗೆ ತಲೆದೂಗುವ ಹೂ

ಸಾಹಿತ್ಯ: ಕೆ.ಎಸ್.ನರಸಿಂಹಸ್ವಾಮಿ

ಹಕ್ಕಿಯ ಹಾಡಿಗೆ ತಲೆದೂಗುವ ಹೂ ನಾನಾಗುವ ಆಸೆ

ಹಸುವಿನ ಕೊರಳಿನ ಗೆಜ್ಜೆಯ ದನಿಯು ನಾನಾಗುವ ಆಸೆ||

ಹಬ್ಬಿದ ಕಾಮನ ಬಿಲ್ಲಿನ ಮೇಲಿನ ಮುಗಿಲಾಗುವ ಆಸೆ  (2ಸಲ)

ಚಿನ್ನದ ಬಣ್ಣದ ಜಿಂಕೆಯ ಕಣ್ಣಿನ ಮಿಂಚಾಗುವ ಆಸೆ||1||

ತೋಟದ ಕಂಪಿನ ಉಸಿರಲಿ ತೇಲುವ ಜೇನಾಗುವ ಆಸೆ (2ಸಲ)

ಕಡಲಿನ ನೀಲಿಯ ನೀರಲಿ ಬಳುಕುವ ಮೀನಾಗುವ ಆಸೆ ||2||

ಸಿಡಿಲನು ಕಾರುವ ಬಿರುಮಳೆಗಂಜದೆ  ಮುನ್ನಡೆಯುವ ಆಸೆ (2ಸಲ)

ನಾಳೆಯ ಬದುಕಿನ ಇರುಳಿನ ತಿರುವಿಗೆ ದೀಪವನಿಡುವಾಸೆ ||3||

...........................................................................................................

HAKKIYA HAADIGE TALEDOOGUVA HOO NAANAAGUVA  AASE,

HASUVINA KORALINA GEJJEYA DANIYU NAANAAGUVA  AASE||

HABBIDA KAAMANA BILLINA MELINA MUGILAAGUVA  AASE

CHINNADA BANNADA JINKEYA KANNINA MINCHAAGUVA AASE||1||

THOTADA KAMPINA USIRALI TELUVA JENAAGUVA AASE

KADALINA NEELIYA NEERALI BALUKUVA MEENAAGUVA AASE||2||

SIDILANU KAARUVA BIRUMALEGANJADE MUNNADEYUVA AASE

NAALEYA BADUKINA IRULINA THIRUVIGE DEEPAVA NIDUVAASE ||3||

.................................................................................................................................

ಬೆನಕ ಬೆನಕ ಓ ಬೆನಕ | BENAKA BENAKA O BENAKA SONG LYRICS|LORD GANESHA SONG

ಬೆನಕ ಬೆನಕ ಓ ಬೆನಕ

ಬೆನಕ ಬೆನಕ ಓ ಬೆನಕ  ಸಲಹೋ ನಮ್ಮ ಕೊನೆ ತನಕ|

ದೀನ ದಯಾಳು ನೀನಾಗಿ ಭಕ್ತರ ಬಾಳಿನ ಬೆಳಕಾಗಿ|

ಬೆನಕ ಓ ಬೆನಕ  … ಬೆನಕ ಓ ಬೆನಕ  ||

ವಿಘ್ನ ವಿನಾಶಕ ವಿಘ್ನಕಾರಕ ವಿಘ್ನವ ಪರಿಹರಿಸೊ

ವಿಶ್ವೇಶ್ವರ ಸುತ ವಿಜಯ ವಿನಾಯಕ ಸುಮತಿಯ ದಯಕರಿಸೋ

ಹರಸುತ ನೀನು ಹರಸುತ ಎಮ್ಮನು ಕರುಣದಿ ಕಾಪಾಡು

ಸ್ಮರಿಸುತ ನಿನ್ನಲಿ ತನುವನು ಎಮ್ಮನು ಮೋಕ್ಷವ ನೀ ನೀಡು

ಬೆನಕ ಓ ಬೆನಕ  … ಬೆನಕ ಓ ಬೆನಕ  ||1||

ಭಕ್ತಿಯ ಪುಷ್ಪವ ಅರ್ಪಿಸಿ ನಿನ್ನಲಿ ತನುಮನ ತೋರಿಸುವೆ

ಮುಕ್ತಿಯ ಮಾರ್ಗವ ತೋರದೆ ಎಮ್ಮನು ಏತಕೆ ನೋಯಿಸುವೆ

ಭಕ್ತಿಯು ಮುಕ್ತಿಯು ಏನನು ಅರಿಯದ ಅಸ್ಥಿರ ದೇಹವಿದು

ಚಂಚಲ ಮನಸಿದು ಎಂದಿಗೂ ಮರೆಯದ ನಿನ್ನಯ ಧ್ಯಾನ ಕೊಡು

ಬೆನಕ ಓ ಬೆನಕ  … ಬೆನಕ ಓ ಬೆನಕ  ||2||

.................................................................................................

ಹಾಡಲು ಕಲಿಯಿರಿ(LEARN HOW TO SING THIS SONG)

TARAKKA BINDIGE LYRICS | ತಾರಕ್ಕ ಬಿಂದಿಗೆ ನಾ ನೀರಿಗೆ ಹೋಗುವೆ ಸಾಹಿತ್ಯ|

ತಾರಕ್ಕ ಬಿಂದಿಗೆ ನಾ ನೀರಿಗೆ ಹೋಗುವೆ

ಹಾಡಲು ಕಲಿಯಿರಿ(CLICK HERE TO LEARN THIS SONG)

ರಚನೆ: ಪುರಂದರ ದಾಸರು

ತಾರಕ್ಕ ಬಿಂದಿಗೆ ನಾ ನೀರಿಗೆ ಹೋಗುವೆ ತಾರೆ ಬಿಂದಿಗೆಯಾ

ಬಿಂದಿಗೆ ಒಡೆದರೆ ಒಂದೇ ಕಾಸು ತಾರೆ ಬಿಂದಿಗೆಯಾ||

ರಾಮ ನಾಮ ವೆಂಬ ರಸವುಳ್ಳ ನೀರಿಗೆ ತಾರೆ ಬಿಂದಿಗೆಯಾ

ಕಾಮಿನಿಯರ ಕೂಡೆ ಏಕಾಂತವಾಡೇನು ತಾರೆ ಬಿಂದಿಗೆಯಾ||1||

ಗೋವಿಂದ ಎಂಬುವ ಗುಣವುಳ್ಳ ನೀರಿಗೆ ತಾರೆ ಬಿಂದಿಗೆಯಾ

ಆವಾವ ಪರಿಯಲ್ಲಿ ಅಮೃತದ ನೀರಿಗೆ ತಾರೆ ಬಿಂದಿಗೆಯಾ||2||

ಬಿಂದು ಮಾಧವನ ಘಟ್ಟಕ್ಕೆ ಹೋಗುವೆ ತಾರೆ ಬಿಂದಿಗೆಯಾ

ಪುರಂದರ ವಿಠಲಗೆ ಅಭಿಷೇಕ ಮಾಡುವೆ ತಾರೆ ಬಿಂದಿಗೆಯಾ||3||

................................................................................................................

Also See:

ರಾಮ ರಾಮ ರಾಮ್ ರಾಮ್ ರಾಮ್(RAMA RAMA RAM RAM RAM LYRICS IN KANNADA)

ನಾನು ಸೈನ್ಯ ಸೇರುವೆ(ಕನ್ನಡ ಶಿಶುಗೀತೆ) | NAANU SAINYA SERUVE, KIDS' RHYMES IN KANNADA