Kannada Savigana Lyrics

ಭಕ್ತಿಗೀತೆ, ಜಾನಪದ ಗೀತೆ, ದೇಶಭಕ್ತಿ ಗೀತೆ, ಚಲನಚಿತ್ರ ಗೀತೆ, ಶಾಲಾ ಪ್ರಾರ್ಥನೆ, ಭಾವನಾತ್ಮಕ ಹಾಡುಗಳು, ಶ್ಲೋಕಗಳು ಮತ್ತು ಸುಭಾಷಿತಗಳು ಸೇರಿದಂತೆ ಎಲ್ಲಾ ರೀತಿಯ ಕನ್ನಡ ಹಾಡುಗಳನ್ನು ಕಲಿಯಲು ಆಸಕ್ತಿ ಹೊಂದಿರುವ ಯಾರಿಗಾದರೂ ಈ ಬ್ಲಾಗ್ ಉಪಯುಕ್ತವಾಗಿದೆ. ಹೆಚ್ಚಿನ ಹಾಡುಗಳ ಸಾಹಿತ್ಯದ ಕೊನೆಯಲ್ಲಿ ಹಾಡನ್ನು ಕಲಿಯಲು ಅನೂಕೂಲವಾಗುವಂತೆ, ಯು ಟ್ಯೂಬ್ ಲಿಂಕ್ ಅನ್ನು ಕೊಡಲಾಗಿದೆ.

ಕಂಬದ ಮ್ಯಾಲಿನ ಗೊಂಬೆಯೇ | KAMBADA MYALINA GOMBEYE LYRICS

ಕಂಬದ ಮ್ಯಾಲಿನ ಗೊಂಬೆಯೇ

ಕಂಬದ ಮ್ಯಾಲಿನ ಗೊಂಬೆಯೇ ನಂಬಲೇನ ನಿನ್ನ ನಗಿಯನ್ನಾ

ಭಿತ್ತಿಯ ಮ್ಯಾಲಿನ ಚಿತ್ತಾರವೇ ಚಿತ್ತಗೊಟ್ಟಹೇಳೆ ಉತ್ತಾರವ |

ಒಬ್ಬಳೇ ನಾನಿಲ್ಲಿ ತಬ್ಬಿಬ್ಬುಗೊಂಡಿಹೆನು

ಮಬ್ಬು ಹರಿಯುವದೇನ ಹಬ್ಬವಾಗುವುದೇನ||

ನೀರೊಲೆಯ ನಿಗಿ ಕೆಂಡ ಸತ್ಯವೇ

ಈ ಅಭ್ಯಂಜನವಿನ್ನು ನಿತ್ಯವೇ|

ಒಳ್ಳೆ ಘಮಗುಡುತಿಯಲ್ಲೆ ಸೀಗೆಯೆ

ನಿನ್ನ ವಾಸನೀ ಹರಡಿರಲೀ ಹೀಗೆಯೇ|

ಒಬ್ಬಳೇ ನಾನಿಲ್ಲಿ ತಬ್ಬಿಬ್ಬುಗೊಂಡಿಹೆನು

ಮಬ್ಬು ಹರಿಯುವದೇನ ಹಬ್ಬವಾಗುವುದೇನ||1||

ಒಪ್ಪಿಸುವೇ ಹೂ - ಹಣ್ಣು ಭಗವಂತ

ನೆಪ್ಪೀಲೇ ಹರಸು ನಗೀ ಇರಲಂತ|

ಕಪ್ಪುರವ ಬೆಳಗುವೆ ದೇವನೇ

ತಪ್ಪದೇ ಬರಲೆನ್ನ ಗುಣವಂತ|

ಒಬ್ಬಳೇ ನಾನಿಲ್ಲಿ ತಬ್ಬಿಬ್ಬುಗೊಂಡಿಹೆನು

ಮಬ್ಬು ಹರಿಯುವದೇನ ಹಬ್ಬವಾಗುವುದೇನ||2||

ಹಾಡಲು ಕಲಿಯಿರಿ(LEARN HOW TO SING THIS SONG)

No comments:

Post a Comment

Subscribe to: Post Comments (Atom)