ಊಟಕ್ಕೆ ಬಂದೆವು ನಾವು| OOTAKKE BANDEVU NAAVU LYRICS| PURANDARA DASARU

ಊಟಕ್ಕೆ ಬಂದೆವು ನಾವು

ರಚನೆ : ಪುರಂದರದಾಸರು

ಊಟಕ್ಕೆ ಬಂದೆವು ನಾವು ನಿಮ್ಮ

 ಆಟಪಾಟವ ಬಿಟ್ಟು ಅಡುಗೆ ಮಾಡಮ್ಮ||

ಕತ್ತಲಿಟ್ಟಾವಮ್ಮ ಕಣ್ಣುಬಾಯಿ

ಬತ್ತಿ ಬರುತಲಿದೆ ಕೈ ಕಾಲು ಝುಮ್ಮ

ಹೊತ್ತು ಹೋಗಿಸಬೇಡವಮ್ಮ

ಒಂದು ತುತ್ತಾದರು ಇತ್ತು ಸಲಹು ನಮ್ಮಮ್ಮ||1||

ಒಡಲೊಳಗೆ ಉಸಿರಿಲ್ಲ ಒಂದು

ಕ್ಷಣವಾದರೆ ಜೀವ ನಿಲ್ಲುವುದಿಲ್ಲ

ಮಡಿದರೆ ದೋಷ ತಟ್ಟುವುದು

ಒಂದು ಹಿಡಿಯಕ್ಕಿಯಿಂದಲೆ ಕೀರ್ತಿ ಬಾಹೋದು||2||

ಹೊನ್ನ ರಾಶಿಯ ತಂದು ಸುರಿಯೆ ಕೋಟಿ

ಕನ್ನಿಕೆಯರ ತಂದು ಧಾರೆಯನೆರೆಯೆ

ಅನ್ನ ದಾನಕ್ಕಿನ್ನು ಸರಿಯೆ ಪ್ರ..

ಸನ್ನ ಪುರಂದರ ವಿಠ್ಠಲ ದೊರೆಯೆ||3||

...........................................................................................................

ಹಾಡಲು ಕಲಿಯಿರಿ(LEARN HOW TO SING THIS SONG)