ಹದಿನಾಲ್ಕು ವರ್ಷ ವನವಾಸದಿಂದ SONG LYRICS IN KANNADA | ಶರಪಂಜರ MOVIE SONG | HADINALKU VARUSH VANAVASA SONG LYRICS

ಹಾಡಲು ಕಲಿಯಿರಿ(CLICK HERE TO LEARN THIS SONG) 

ಸಾಹಿತ್ಯ : ವಿಜಯನಾರಸಿಂಹ

ಸಂಗೀತ : ವಿಜಯಭಾಸ್ಕರ್

ಗಾಯನ : ಪಿ.ಸುಶೀಲ

ಹದಿನಾಲ್ಕು ವರ್ಷ ವನವಾಸದಿಂದ

 ಮರಳಿ ಬಂದಳು ಸೀತೇ

ಮರಳಿ ಬಂದಳು ಸೀತೆ

ಸಾರ್ವಭೌಮ ಶ್ರೀರಾಮಚಂದ್ರನ

 ಪ್ರೇಮದ ಆಸರೆ ಒಂದೇ

ಸಾಕೆಂದಳು ಆ ಮಾತೆ.||

ಅಗ್ನಿಪರೀಕ್ಷೆಯ ಸತ್ವ ಪರೀಕ್ಷೆಗೆ

 ಗುರಿಯಾದಳು ಸೀತೆ

ಅಗ್ನಿಯು ದಹಿಸದೆ ಘೋಷಿಸಿದ ಸೀತೆ ಪುನೀತೆ...

ಸೀತೆ ಪುನೀತೆ

ಅಲ್ಪಾಗಸನ ಕಲ್ಪನೆಮಾತಿಗೆ ಅಳುಕಿದ ಶ್ರೀರಾಮ

ಸೀತೆ ಕಲುಷಿತೆ...ಸೀತೆ ದೂಷಿತೆ...

ಎಂದನೆ ರಾಜಾರಾಮಾ...

ಮತ್ತೆ ಸೀತೆಯ ಕಾಡಿಗಟ್ಟಿದ

 ನ್ಯಾಯವಾದಿ ರಾಮಾ...||1||

ಪೂರ್ಣ ಗರ್ಭಿಣಿ ಪುಣ್ಯರೂಪಿಣಿಯ ಕಂಡನು ವಾಲ್ಮೀಕಿ

ಲೋಕಮಾತೆಗೆ ಶೋಕ ಸಾಗರವೆ ನಿರ್ದಯಿ ರಾಮಾ..

ನಿರ್ದಯಿ ರಾಮಾ

ಪರ್ಣಕುಟೀರದೆ ಲವಕುಶ ಜನನ

ಸೀತೆಗೆ ಶಾಂತಿನಿಕೇತನ

ಪರಮಪಾವನೇ.. ಪ್ರಾಣವಲ್ಲಭೇ..

 ಎನ್ನುತ ರಾಮನ ಆಗಮನಾ

ಸಂಗಮ ಸಮಯದೆ ಭೂಕಂಪನ

ಚಿರವಿರಹವೆ ಜಾನಕಿ ಜೀವನ.....||2||

..........................................

ದೇವಿ ಅಪರಾಧಕ್ಷಮಾಪಣಾ ಸ್ತೋತ್ರ ( ಮಂತ್ರವರಿಯೆ ನಾ)