ಒಂದಿರುಳು ಕನಸಿನಲಿ ನನ್ನವಳ ಕೇಳಿದೆನು SONG LYRICS | K S NARASIMHA SWAMY SONGS |ONDIRULU KANASINALI |MYSURU MALLIGE MOVIE SONGS

 ಹಾಡಲು ಕಲಿಯಿರಿ(CLICK HERE TO LEARN THIS SONG)

ಒಂದಿರುಳು ಕನಸಿನಲಿ ನನ್ನವಳ ಕೇಳಿದೆನು

ಚಂದ ನಿನಗಾವುದೆಂದು |

ನಮ್ಮುರು ಹೊನ್ನೂರು ನಿಮ್ಮೂರು ನವಿಲೂರು

ಚಂದ ನಿನಗಾವುದೆಂದು ||

ನಮ್ಮೂರು ಚಂದವೊ ನಿಮ್ಮೂರು ಚಂದವೊ

ಎಂದೆನ್ನ ಕೇಳಲೇಕೆ

ನಮ್ಮೂರ ಮಂಚದಲಿ ನಿಮ್ಮೂರ ಕನಸಿದನು

ವಿಸ್ತರಿಸಿ ಹೇಳಬೇಕೆ ||

ನಮ್ಮೂರು ಚೆಂದವೊ ನಿಮ್ಮೂರು ಚಂದವೊ

ಎಂದೆನ್ನ ಕೇಳಲೇಕೆ

ಎನ್ನರಸ ಸುಮ್ಮನಿರಿ ಎಂದಳಾಕೆ ||

ತವರೂರ ದಾರಿಯಲಿ ತೆಂಗುಗಳು ತಲೆದೂಗಿ

ಬಾಳೆಗಳು ತೋಳ ಬೀಸಿ |

ಮಲ್ಲಿಗೆಯ ಮೊಗ್ಗುಗಳು ಮುಳ್ಳ ಬೇಲಿಯ ಬರಿಸಿ

ಬಳಕುತಿವೆ ಕಂಪ ಸೂಸಿ ||

ನಗುನಗುತ ನಮ್ಮೂರ ಹೆಣ್ಣುಗಳು ಬರುತಿರಲು

ನಿಮ್ಮೂರ ಸಂತೆಗಾಗಿ,

ನವಿಲೂರಿಗಿಂತಲೂ ಹೊನ್ನುರೆ ಸುಖವೆಂದು

ನಿಲ್ಲಿಸಿತು ಪ್ರೇಮ ಕೂಗಿ ||

ನಮ್ಮೂರು ಚೆಂದವೊ ನಿಮ್ಮೂರು ಚಂದವೊ

ಎಂದೆನ್ನ ಕೇಳಲೇಕೆ

ಎನ್ನರಸ ಸುಮ್ಮನಿರಿ ಎಂದಳಾಕೆ ||

ನಿಮ್ಮೂರ ಬಂಡಿಯಲಿ ನಮ್ಮೂರ ಬಿಟ್ಟಾಗ

ಓಡಿದುದು ದಾರಿ ಬೇಗ

ಪುಟ್ಟ ಕಂದನ ಕೇಕೆ ತೊಟ್ಟಿಲನು ತುಂಬಿತ್ತು

ನಿಮ್ಮೂರ ಸೇರಿದಾಗ

ಊರ ಬೇಲಿಗೆ ಬಂದು ನೀವು ನಮ್ಮನು ಕಂಡು

 ಕುಶಲವನು ಕೇಳಿದಾಗ

ತುಟಿಯಲೇನೋ ನಿಂದು ಕಣ್ಣಲೇನೋ ಬಂದು

ಕೆನ್ನೆ ಕೆಂಪಾದುದಾಗ ||

ನಮ್ಮೂರು ಚೆಂದವೊ ನಿಮ್ಮೂರು ಚಂದವೊ

ಎಂದೆನ್ನ ಕೇಳಲೇಕೆ

ಎನ್ನರಸ ಸುಮ್ಮನಿರಿ ಎಂದಳಾಕೆ ||

……………………………………………………………………………..................

ಒಂದೇ ಒಂದೇ ಒಂದೇ ಕರ್ನಾಟಕ ಒಂದೇ