ಮುಗಿಲ ಮಾರಿಗೆs ರಾಗರತಿಯ SONG LYRICS | MUGILA MAARIGE RAAGA RATIYA SONG LYRICS

ಹಾಡಲು ಕಲಿಯಿರಿ(CLICK HERE TO LEARN THIS SONG)

 ರಚನೆ: ದ. ರಾ. ಬೇಂದ್ರೆ

ಮುಗಿಲ ಮಾರಿಗೆs ರಾಗರತಿಯ ನಂಜ ಏರಿತ್ತs

-ಆಗ- ಸಂಜೆಯಾಗಿತ್ತ;

ನೆಲದ ಅಂಚಿಗೆ ಮಂಜಿನ ಮುಸುಕು ಹ್ಯಾಂಗೋ ಬಿದ್ದಿತ್ತs

ಗಾಳಿಗೆ ಮೇಲಕೆದ್ದಿತ್ತs||

ಬಿದಿಗಿ ಚಂದ್ರನಾ ಚೊಗಚೀ-ನಗಿ-ಹೂ ಮೆಲ್ಲಗೆ ಮೂಡಿತ್ತs

ಮ್ಯಾಲಕ ಬೆಳ್ಳಿನ ಕೂಡಿತ್ತ|

ಇರುಳ ಹೆರಳಿನಾ ಅರಳು ಮಲ್ಲಿಗೀ ಜಾಳಿಗೆ ಹಾಂಗೆತ್ತ

ಸೂಸ್ಯಾವ ಚಿಕ್ಕಿ ಅತ್ತಿತ್ತ ||1||

ಬೊಗಸಿ ಕಣ್ಣಿನಾ ಬಯಕೆಯ ಹೆಣ್ಣು ನೀರಿಗೆ ಹೋಗಿತ್ತs

ತಿರುಗಿ ಮನೀಗೆ ಸಾಗಿತ್ತ |

ಕಾಮಿ ಬೆಕ್ಕಿನ್ಹಾಂಗ ಭಾಂವಿ ಹಾದಿ ಕಾಲಾಗ ಸುಳಿತಿತ್ತs

ಎರಗಿ ಹಿಂದಕ್ಕುಳಿತಿತ್ತ ||2||

ಮಳ್ಳುಗಾಳಿ-ಸುಳಿ ಕಳ್ಳ ಕೈಲೆ ಸೆರಗನು ಹಿಡಿದಿತ್ತs

ಮತ್ತ ಮತ್ತ ಬೆಡಗಿಲೆ ಬಿಡತಿತ್ತ|

ಒಂದ ಮನದ ಗಿಣಿ ಹಿಂದ ನೆಳ್ಳಿಗೆ ಬೆನ್ನಿಲೆ ಬರತಿತ್ತs

ತನ್ನ ಮೈಮನ ಮರತಿತ್ತ||3||

....................................

ದೇವಿ ನಮ್ಮ ದ್ಯಾವರು ಬಂದರು