ನೂರಾರು ಮತವಿಹುದು ಲೋಕದುಗ್ರಾಣದಲಿ
ಆರಿಸಿಕೊ ನಿನ್ನ ರುಚಿಗೊಪ್ಪುವುದನದರೊಳ್।
ಸಾರದಡುಗೆಯನೊಳವಿಚಾರದೊಲೆಯಲಿ ಮಾಡು
ಬೇರೆ ಮತಿ ಬೇರೆ ಮತ ಮಂಕುತಿಮ್ಮ॥
ಈ ಲೋಕದ ಉಗ್ರಾಣದಲ್ಲಿ ನೂರಾರು ಮತಗಳಿರುವವು. ಅದರಲ್ಲಿ ನಿನ್ನ ಮನಸ್ಸಿಗೆ ಒಪ್ಪುವುದನ್ನು ಆರಿಸಿಕೊ. ವಿಚಾರದ ಒಲೆಯಲ್ಲಿ ಅನುಭವದ ಅಡುಗೆ ಮಾಡು .ಮತಿಯಂತೆ ಮತವಿರುವುದು.
....................................................................................................................................................
ರಾಮನಿದ್ದ ಕಾಲದಲ್ಲಿಯೇ ರಾವಣ ಎಂಬುವನು ಒಬ್ಬನಿದ್ದ, ಹಾಗೆಯೇ ಭೀಮ ಇದ್ದ ಕಾಲದಲ್ಲಿಯೇ ದುಶ್ಯಾಸನ ಎಂಬುವನು ಇದ್ದನು.ಈ ಭೂಮಿಯಲ್ಲಿ ಅನ್ಯಾಯಕಾರಿ ವ್ಯಕ್ತಿ ಇಲ್ಲದದು ಎಂದು? ನೀನು ರಾಮನಾಗದಿದ್ದರೂ ಪರವಾಗಿಲ್ಲ, ರಾಮಭಂಟನಾಗು.
...................................................................................................................................................
ಆಶೆಗಳ ಕೆಣಕದಿರು ಪಾಶಗಳ ಬಿಗಿಯದಿರು
ಕ್ಲೇಶದ ಪರೀಕ್ಷೆಗಳಿಗೆನ್ನ ಕರೆಯದಿರು
ಬೇಸರದ ಪಾತಕ ಸ್ಮೃತಿಯ ಚುಚ್ಚದಿರೆನ್ನು
ತೀಶನನು ಬೇಡುತಿರೊ ಮಂಕುತಿಮ್ಮ॥
ಓ ದೇವನೇ, ನನ್ನ ಆಸೆಗಳನ್ನು ಕೆಣಕಬೇಡ. ಆಶಾಪಾಶಗಳ ಬಿಗಿಯಬೇಡ. ಕಠಿಣವಾದ ಪರೀಕ್ಷೆಗಳಿಗೆ ನನ್ನನ್ನು ಒಡ್ಡಬೇಡ. ಕೆಟ್ಟ ನೆನಪು ನೀಡಿ ಕಾಡಬೇಡ ಎಂದು ಸದಾ ದೇವರಲ್ಲಿ ಮೊರೆಯಿಡು.
........................................................................................................................................
ನಗುವ ಕೇಳುತ ನಗುವುದತಿಶಯದ ಧರ್ಮ।
ನಗುವ ನಗಿಸುವ ನಗಿಸಿ ನಗುತ ಬಾಳುವ ವರವ
ಮಿಗೆ ನೀನು ಬೇಡಿಕೊಳೊ ಮಂಕುತಿಮ್ಮ ॥
ಮಾನವನಿಗೆ ನಗುವು ಸಹಜವಾದ ಧರ್ಮ. ಅನ್ಯರನ್ನು ನಗಿಸುವುದು ಪರಧರ್ಮ. ನಗುವನ್ನು ಕೇಳಿ ನಗುವುದು ಅತಿಶಯ ಧರ್ಮ .ಆದುದರಿಂದ ದೇವರಲ್ಲಿ ನಗುವ ನಗಿಸುವ ನಗಿಸಿ ನಗುತ ಬಾಳುವವರನ್ನು ನೀನು ಬೇಡಿಕೋ.
..............................................................................................................................................
No comments:
Post a Comment