ನಿನ್ನ ಒಲುಮೆಯಿಂದ ನಿಖಿಳ ಜನರು SONG LYRICS |NINNA OLUMEYINDA | DASARA PADA

 ಹಾಡಲು ಕಲಿಯಿರಿ(CLICK HERE TO LEARN THIS SONG)

ರಚನೆ: ವಿಜಯ ದಾಸರು

ನಿನ್ನ ಒಲುಮೆಯಿಂದ ನಿಖಿಳ ಜನರು ಬಂದು 

ಮನ್ನಿಸುವರೊ ಮಹರಾಯ

ಎನ್ನ ಪುಣ್ಯಗಳಿಂದ ಈ ಪರಿ ಉಂಟೇನೋ

ನಿನ್ನದೇ ಸಕಲ ಸಂಪತ್ತು ||

 

ಜೀರ್ಣ ಮಲಿನ ವಸ್ತ್ರ ಕಾಣದ ಮನುಜಗೆ

ಊರ್ಣ ವಿಚಿತ್ರ ಸುವಸನ

ವರ್ಣವರ್ಣದಿಂದ ಬಾಹೋದೇನೊ

ಸಂಪೂರ್ಣ ಗುಣಾರ್ಣವ ದೇವಾ |

ಸಂಜೀತನಕ ಇದ್ದು ಸಣ್ಣ ಸೌಟಿನ ತುಂಬ

ಗಂಜಿ ಕಾಣದೆ ಬಳಲಿದೆನೊ

ವ್ಯಂಜನ ನಾನಾ ಸುಭಕ್ಷ್ಯ ಭೋಜ್ಯಂಗಳ

ಭುಂಜಿಸುವದು ಮತ್ತೇನೋ ||1||

 

ಒಬ್ಬ ಹೆಂಗಸಿನ ಹೊಟ್ಟೆಗೆ ಹಾಕುವುದಕಿನ್ನು,

ತಬ್ಬಿಬ್ಬುಗೊಂಡೆ ನಾ ಹಿಂದೆ

ನಿಬ್ಬರದಲಿ ಸರ್ವರ ಕೂಡುಂಬೋ 

ಹಬ್ಬದೂಟವನುಣಿಸುವೆಯೋ|

ಮನೆಮನೆ ತಿರುಗಿದರೂ ಕಾಸು ಪುಟ್ಟದೆ ಸು

ಮ್ಮನೆ ಜಾಲ್ವರಿದು ಬಳಲಿದೆನೋ

ಹಣ ಹೊನ್ನು ದ್ರವ್ಯ ಒಮ್ಮಿಂದೊಮ್ಮೆ ಈಗ

 ಎನಗೆ ಪ್ರಾಪುತಿ ನೋಡೋ ಜೀಯ ||2||

 

ಮಧ್ಯಾಹ್ನ ಕಾಲಕ್ಕೆ ಅತಿಥಿಗಳಿಗೆ ಅನ್ನ

ಮೆದ್ದೆನೆಂದರೆ ಈಯದಾದೆ

ಈ ಧರೆಯೊಯೊಳಗೆ ಸತ್ಪಾತ್ರರ ಕೂಡುಂಬೋ

 ಪದ್ಧತಿ ನೋಡೊ ಧರ್ಮಾತ್ಮ

ನೀಚೋಚ್ಛ ತಿಳಿಯದೆ ಸರ್ವರ ಚರಣಕೆ

ಚಾಚಿದೆ ನೊಸಲು ಹಸ್ತಗಳ

ಯೋಚಿಸಿ ನೋಡಲು ಸೋಜಿಗವಾಗಿದೆ

ವಾಚಕೆ ನಿಲುಕದೊ ಹರಿಯೆ ||3||

 

ವೈದಿಕ ಪದವಿಯ ಈವಗೆ ಲೌಕಿಕ

ನೈದಿಸುವುದು ಬಲುಖ್ಯಾತಿ

ಮೈದುನಗೊಲಿದ ಶ್ರೀ ವಿಜಯವಿಠಲ

ನಿನ್ನ ಪಾದ ಸಾಕ್ಷಿಯ ಅನುಭವವೊ

ನಿನ್ನ ಒಲುಮೆಯಿಂದ ನಿಖಿಳ ಜನರು ಬಂದು

ಮನ್ನಿಸುವರೊ ಮಹರಾಯ

ಎನ್ನ ಪುಣ್ಯಗಳಿಂದ ಈ ಪರಿ ಉಂಟೇನೋ

ನಿನ್ನದೇ ಸಕಲ ಸಂಪತ್ತು ||4||

....................................................................................