ಹಾಡಲು ಕಲಿಯಿರಿ(CLICK HERE TO LEARN THIS SONG)
ರಚನೆ: ಬೆಟಗೇರಿ ಕೃಷ್ಣಶರ್ಮ
ಎನಿತು ಇನಿದು ಈ ಕನ್ನಡ ನುಡಿಯು
ಮನವನು ತಣಿಸುವ ಮೋಹನ ಸುಧೆಯು
ಗಾನವ ಬೆರೆಯಿಸಿ ವೀಣೆಯ ದನಿಯೊಳು
ವಾಣಿಯು ನೇವುರ ನುಡಿಸುತಲಿ
ವಾಣಿಯು ನೇವುರ ನುಡಿಸುತೆ ಕುಣಿಯಲು
ಮಾಣದೆ ಮೆರೆಯುವ ಮಂಜುಲ ರವವೋ ||1||
ರಂಗನ ಮುರಳಿಯ ಹಿಂಗದ ಸ್ವರದಲಿ
ಹೆಂಗಳೆಯರು ಬೆಳದಿಂಗಳಲಿ
ಹೆಂಗಳೆಯರು ಬೆಳದಿಂಗಳ ಇರುಳಲಿ
ಸಂಗೀತವನೊರೆದಂಗವಿದೇನೋ ||2||
ಗಿಳಿಗಳು ಉಲಿಯುವ ಮೆಲುಮಾತುಗಳೋ
ಕಳಕಂಠಗಳಾ ಚೆಲುವಿನ ಕುಕಿಲೋ
ಅಳಿಗಳ ಬೆಳಗಿನ ಉಲಿಯೋ ಉಲಿಯೋ
ಮನವನು ತಣಿಸುವ ಮೋಹನ ಸುಧೆಯೋ ||3||
No comments:
Post a Comment